［第十六餐］［台北美食地圖］GB鮮釀餐廳—這！很！讚！
告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）
亦係嗰句，辛苦自在搵嚟食，搵食搵食，最後都係搵嚟食。但，唔通畀人炒咗就日日40蚊魯肉飯咩。況且呢餐都未畀人炒
1. 個名怪怪地，原來係Gordon Biersch，美國開嚟台灣。
2. 一直覺得，台灣嘅高檔西餐，係唔係好得嘅。呢，特別係啲乜乜酒店嗰啲。唔係差，但你去到五舊水港紙以上嘅，不見得會好得過香港。特別係啲侍應，同外國，甚至香港日本嘅都係有啲距離。就識係英文講解咯，但都係背。
3. 樓上呢個情況，到近年有改善，因為又多咗班後生而去外國學廚嘅，有啲新派啲嘅餐館，江振誠RAW（＊），陳嵐舒在台中間樂沐（＊＊）都係名店。仲有同香港有啲淵源嘅Mume（＊＊＊），態苪（＊＊＊＊），或者台中嘅JL Studio（＊＊＊＊＊）等等
4. 但又話說回頭，由於始終人工同舖租平香港一截，所以食啲中價（陣間定義）西餐，是不錯的。邊啲係中價？唔係夜市嗰啲，講緊例如……TGI Friday’s 嗰啲。我有次去西門町食，覺得相當不錯，又開得夜，兩三百蚊港紙，仲有免費添飲
5. 所以呢餐想鋸牛扒（邊個話隔離冇得鋸？你鍾意打邊爐都仲得），原本都係TGI Friday，但埃汾太阻止我，提議咗呢間
6. 哇，好食呀！
7. 咁但，當然啦，同你當場食都係爭太遠。牛扒嘅嘢，梗係要熱。佢送嚟都仲熱，但就點都同你當時食爭一截啦。又唔會好似「伙頭智多星」咁畀塊石頭你。
8. 唯一要講嘅係。點切呢？個盒咁嘅款。所以最後我係撕爛咗個盒，拎塊邊嚟當碟咁砌。即係同大家食蛋糕差不多。
9. 好食呀下，Flame Grilled New York Strip，10安士，五成熟，英文寫medium．實情聽聞品味男要食medium rare，但我近年佬化，已經食medium甚至medium well．不過又as per 煩精（係，嗰個煩精）所講，亞洲地區，特別係台灣（我加嘅呢句），一般你叫medium rare就變外國medium，你叫medium 就變 medium well．原因？有啲木嘴會投訴唔熟，所以餐廳都會煮熟多啲。咁為咗調呢樣嘢，想要medium well嘅我就叫medium，真複雜
10. 呀仲有，個薯條都係很好食的！其實原本想叫薯蓉，但賣晒。
11. 價錢？「你地就只係關心錢」。盛惠1280。「當然係中價」。
12. 推薦！
（＊）但其實RAW麻麻地，幾時都話你食三餐RAW嘅錢儲埋食一次新加坡嘅Andre好過，我食咗兩次，仲要間嘢都執埋，應該都唔係好多人食過兩次
（＊＊）還好，甜品尤其出色，我特別鍾意佢保留老傳統：男士嘅餐牌有價錢，女仔就冇。睇下幾時畀（啲並唔會自己畀錢嘅女仔）投訴。不過樂沐就係十分正式嘅西餐，我一路都係唔多慣嗰種格局的。
（＊＊＊）呢間我幾鍾意，但朋友就認真麻麻。主要不滿服務水平。的確我都覺得啲軟件差啲。例如到差不多收舖，佢可以在廚房拖住個垃圾袋經過啲客中間拖出門口掉。你想唔想像到日本會出現咁嘅事？
（＊＊＊＊）呢個好東西，揩卡士，美麗華個摩天輪對面。不過最大煞風景係啲音樂，播埋啲「存為愛」嘅老餅英文歌，Right Here Waiting，Ocean Deep咁，完全格格不入。
（＊＊＊＊＊）呢間應該係我在全台灣食過最精彩嘅西餐了。新加坡廚。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
老餅英文 在 老餅話當年| 睇通勝學英文，餅友你試過未 - Facebook 的必吃
直至1992年，隨着中葡聯合聲明，澳門進入回歸祖國前的過渡階段，澳門地區的居留制度得以完善，加上新設立關閘邊境檢查站，終於為建立統一的身份證制度創設了條件，因而出現 ... ... <看更多>