【爸爸有話兒】
由昔日的被寵壞的港孩，慢慢變一個港爸。
喺屋企，跟媽媽同住，基本上飯來張口，要乜食乜，閒時有滋補靚湯；衫拋落洗衣籃，自然有人手洗或洗衣機洗再晾乾；柴米油鹽，廚房放邊唔知，超市/街市價錢唔知。我一直都覺得，讀大學/擇業/升職加人工/結婚等人生成就，都純粹係靠自己爭取，無父蔭，亦無靠屋企。但原來，無屋企的後盾，我根本無可能放膽向前，起碼我癈少好多野。
咩事忽發奇想？話說通宵時份，朝早6時幫湯丸仔換尿片，發現有少許血迹，就是臍帶出血。當時太眼瞓，但仍未有反應。睡夢中的老婆問：是我垂直抱整親BB嗎？是沖涼後無用棉花棒加熟水弄得乾淨嗎？網上說，有機會發炎，有機會甩臍帶，有機會令嬰兒感痛楚，要用75%稀釋酒精洗患處。眾說紛紜，愈睇愈迷惘。總之，就要去健康院了。好彩，屯門仁愛健康院隔個星期六上午開放，8點半WALK-IN去。
7時許，稍睡片刻，老婆安撫BB。
8時許，大家的視野矇矓，嫲嫲/即是我媽媽：「洗咩去健康院呀？用XX油搽咪得lor」。但她仍選擇陪我搭的士去健康院。她抱B，我手揪媽媽袋，背著一個背囊起行。(別忘執漏奶粉/奶樽/牛牛被/冷熱水)
到埗登記，不消半個鐘到2號房，姑娘超熟手解開BB衫仔，如常用棉花棒蘸點熟水，輕輕翻起肚臍打圈。第一下有血，第二三四下淡了，最後就用乾棉花棒擦乾，就是這樣。
「是我垂直抱弄傷BB嗎？」「有機會，但無需內疚，因為父母純粹想安撫BB，而且無神經線，BB唔會感痛。」
「但有時用棉花棒抹臍帶，BB喊？」「好可能只係佢唔鐘意有人料佢。」
「要用酒精/xx油抹嗎？」「唔需要，暖熟水就可以。可能有d私家醫院會用酒精，但我哋建議唔需要，怕刺激BB」
總之，放心了。
回程時，嫲嫲/我媽媽：「都話gala，洗咩咁緊張。以前我湊6個仔女都係咁，以前你呀爸行船，我生完都無人幫啦！一個女人傷口咁痛都照頂啦！邊有炒米茶？咪由係我濕水洗衫煮飯。奶奶都無問過我一句，望過我一眼。係你呀公呀婆教我幫我咋。咪又係咁。」
嗰一刻，我頓覺我老母好型，堅型。網上流傳好多港女變港媽的故事，實則我媽媽亦是，只是我從來無關心過，甚至共處過。
#新手爸媽覺得大件事
#老練嫲嫲覺得不外如事
#烈女港嫲是這樣煉成的
#但嫲嫲始終錫寶寶
#孫就是命根
P.S. 相片攝於2018/7/8，BB出院日，嫲嫲第一次見湯丸仔
老練嫲嫲覺得不外如事 在 小姊姊劇能聊| 大推台劇#逆局 - Facebook 的必吃
熱血的任飛、沉穩的梁炎東（周渝民飾）與老練的譚崇輝（李銘順飾），組成完美的鐵三角，單是這 ... 因而，初聞此事的千代嫲嫲覺得那個是不知來歷的野男人，甚為擔心。 ... <看更多>