沙田分店3.0 之搵地方渡過過渡時期
話說當我一收到消息石門啲班將成為無主孤魂時 我最擔心既除左將要花上好多精神金錢同時間去籌備一個新既studio 外 我更擔心中間呢段過渡期我地既學生同老師唔知點安頓好
其實我都花左差唔多二星期先可以將大部分既班部安置係原有地點附近 當中有段小插曲 想同大家分享一下 都幾得意 幾香港人style 下
話說係research 中睇下身邊邊到有又近 時間又就到大家上堂既地方 係幾間唔願意租地方出黎既studio 中 好得意地 其中一間studio過左2日主動搵返我同我講場就唔租嫁啦 不過大家可以合作 ‘我地exchange service’ 我地出老師 佢地出場地 我聽到緊係好啦 有地方可以安置大家又唔駛交租而且仲要係同一棟大廈 啲媽媽唔駛走甘遠，老師又keep住有堂教⋯⋯點知啲條件都幾攪笑
首先 我地唔可以改佢地時間表上既堂 只可以係佢地空檔時間加堂 我覺得make sense 既 都唔應該打擾人地確認左既schedule 反正我要既時間大部分都係佢地既空檔時間 而我地已有固定學生 但佢地只offer我地每個時間最多4個學生即使佢地個邊無人sign up都好 如果我地有5或以上學生sign up 100 per head…..
（我地唔係exchange service 咩？點解我地要比錢既？我地唔介意幫你開個新既slot教你既學生 即使你個個邊多人sign up過我地 because this is the deal….但我地多人啲就要比錢 好似唔係幾公道啵🤔）
甘好啦 我問佢如果我地個邊無人sign up我地老師係咪唔駛教？佢話唔係喎 schedule 出左 我地老師無論如何都要教 （ok….我唔知你沙田區點出糧比老師 不過TP既老師 中環沙田同價既）
甘我就話無問題 但 我地老師人工係咪佢地比？佢地又話唔係喎 我地自己比返因為係exchange service?!
哦 原來呢啲叫‘exchange service’ 🤷🏻♀️
香港人輸打贏要既精神真令人佩服 我又唔想講虎落平陽被犬欺 不過 甘樣做人做生意 我真係祝你好運啦👍🏻
老師人工 在 (粵)【加拿大老師經驗分享】 加拿大老師人工高? 福利好? 的必吃
【關於Video】- 之前已經拍左如何成為加拿大老師的片, 其中一條有個網友comment 問話加拿大 老師人工 係點? 係唔係真係人工高, 福利好? ... <看更多>