【龔成問答信箱】（Q15561-Q15580）
Q15561：
你好，我有個問題想問，只是好奇，
點解你咁好肯免費答人問題？
龔成老師：
我在讀書時期，已經好想賺錢，但完全唔知點做，後來去到圖書館，狂睇有錢人相關的書，得到好大得著，我知道這些資源是社會免費比我，我當時已想，如果有日我真的有錢起來，我都想貢獻下個社會。
到今日，我財富逾千萬，雖然不是大數目，但對我來說已有一點點成績，我地想幫下一D，好似我過往情況的人，所以我不斷出書、答理財問題。
而我好明白一點，當我不斷貢獻自己，我反過來會得到愈多，我知道我長遠來說，又會間接在某些地方，但得了社會給我的野。
因為係我累積財富的過程中，好明白知識的重要，我利用知識賺到錢，幫我由月薪$1萬到今日的財富，我知道唔少人，其實都可以做到，只不過是佢地無相關知識，所以我明白知識的重要性，而最重要的是，我不斷分享知識，並不會因此而有損失，反而會有得著，因此我會繼續做。
------------------------------------------------
Q15562：
Halo 成兄 我想問下 現時開823月供 合唔合適？ 銀行股邊隻現在適合月供呢 thank you !
龔成老師：
領展（0823）是優質股，股價從過住的略貴水平，回翻現時的合理水平，可以進行月供策略。中短期雖然會較弱，但本身仍是優質的，長遠正面。可進行。
如果銀行股，可考慮恆生（0011）、中銀香港（2388）。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q15563：
龔成老師，現在每月月供1萬元，分別為：1500中電，1500領展，1500港鐵，1000金沙，1000港交所，1000友邦，2500盈富，會否太分散？
龔成老師：
唔會散。同時有平衡的作用，如果日後有較多資金可加注，就先加上盈富，然後就是金額$1000的股。
上述都是有質素的股票，都可以進行月供。但由於每隻每月投入資金的數目不算多，因此，要較長時間先會供到一定的數目，所以一定要長供。
------------------------------------------------
Q15564：
老師 我24 歲
嚟緊三年要讀3年碩士
所以只有$6000-7000 左加去月供
同埋我現手有
一手0006 (53.18入)
5手3988 (3.61入)
2手709( 3.85入)
一手6823 (12.28入)
一手1448(6.16入)
一手2388(28.2入)
700股0012(37.72入)
其實呢個組合都已經差不多2年, 但總收益-5.59%, 係咪應該諗點轉??
709 仲要得番一半,係咪應該止蝕?
目標係:10-15% 一年回報, 想30歲有一百萬,會係27歲開始加供到$10000
月供緊0066+0012, 各$3000, 我手上應該點處理
龔成老師：
組合不算好差，但部分股不是最優質之列，同時有些股增長力不強。
電能（0006）、中行（3988）、香港電訊（6823）、佐丹奴國際（0709），都只是收息股，增長力有限，你24歲，應該是財富增長時期。
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
佐丹奴國際你預只是收息，好難上翻高位，你如果持有太多，要賣部分，將資金轉到其他增長力較強的股票。
至於你現時月供股，可持續。
你這個年齡，是財富增值的黃金時期，要好好把握，盡你一切的力量去儲蓄、投資、學投資知識。
你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q15565：
老師， 手上有隻1270 朗廷 ss $3.17 買入， 諗住收息，但見最近價位已愈來愈低，是否應賣出止蝕，還是繼續不留低收息。 謝謝
龔成老師：
朗廷（1270）持有酒店類資產，相信一年內都會好弱，無論派息及股價都會弱，但長遠計，佢的價值仍在，肺炎是中短期，這當然對佢不利，但總會過去，長遠仍是一個不差的收租資產
如果你持貨不過多，其實可以持有，只要你睇長D，例如3年，其實投資價值仍在。
------------------------------------------------
Q15566：
你好，龔sir:我半年前見到你嘅page提意月供股票，覺得幾好, 之後一路都有留意你分享嘅資訊
我42歲,月入五萬蚊左右，有一層自住物業,月供7500蚊,仲有15年供，另每個月俾8000蚊屋企,雜費駛費每月1萬蚊左右，宜家想開始試月供股票
根據你嘅推薦，03 @$3000, 27@$3000, 1137@$2000, 可否俾吓意見，而家係好時機嗎？或者有冇其他好介紹，謝謝。
忘記告訴你我另持有小米1千股在手，大約$8時買入，月供可加埋佢嗎？
想問多隻，點睇788中國鐵塔，我見$1.88,入得過嗎？
多謝解答
講返如果我將1137轉做788,係咪好D，我睇完D公司背景應為788前景樂觀D，謝謝
龔成老師：
以你的年齡，可以集中翻投資平穩增長股。
每講月供部分，如果你的資金可以，比例好的做法：盈富（2800）$4000、煤氣（0003）$3000、銀娛（0027）$3000、香港電視（1137）$1500、鐵塔（0788）$1500。
香港電視有潛力的，但估值難，股價上落大，因此唔建議月供太多。至於鐵塔，都是有增長力的，但現價貴，因此小注月供最好。
至於小米（1810），你一手可以持有，如果你資金較多，加上這股月供$1500都可以。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q15567：
老師：你好！之前曾「賺粒糖輸間廠」，已沒買股票，只儲現金。
看近日股市波動，想再買入股票。
自知賭博心態仍在，想請教老師如何改善以賭博心態再入場？
40歲，沒樓，現金約200萬可投資。每月大約可儲2萬。想計劃財務自由，請問我應如何部署及分佈資產？謝謝！
龔成老師：
你要明白，投資不是炒賣，是財富分配。
你應該將$200萬資金，有系統地分配到優質股，以及不同類別的股票，建立一個組合，並長線持有。
你可以用分注的模式，投資優質股。但一定不能用盡資金，例如暫時要留$100萬。如果你想財務自由，這刻可以用「先增值，後現金流」的方法。
你可以將$100萬，分注投資盈富（2800）、
領航標普五百（3140）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q15568：
你好 我今年29歲 每月大概有1萬蚊儲蓄 依家持有一手新股抽返黎嘅9988 一手75蚊入嘅匯豐 依家想再拎二十萬出嚟做投資組合
投資計劃如下：9988 40% 2628 20% 匯豐10% 1398 10% 金沙20%
另外我想月供2822 咁樣可否做到每年10-20%回本
唔該晒
龔成老師：
匯豐（0005）同工行（1398）只是收息股，對你的年齡來說。並不是最適合的。
當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
阿里（9988）有潛力，適合你，不過，同一隻股票去到40%，點都是過高的比例，加上現價未算平，因此並不是最好時機，你小注增持可以。
至於南方Ａ５０（2822），可以投資。
另外，中人壽（2628）近年的優質度不及平安（2318），因此，宜考慮平安更好。
------------------------------------------------
Q15569：
成哥, 請問黃金係咪屬資產類? 我有D 金買左2, 3 年, 升左20%, 我諗緊係咪應該放.
放轉股票?
龔成老師：
黃金唔能夠完全話係資產項，因為無現金流，但黃金千年來都是貨幣，所以，我地會認為黃金時「終極貨幣」。
黃金可以對沖大型不利事件的風險，但由於不是真資產，因此，唔建議佔財富組合比例較多。你應該賣出部分，令黃金只佔你組合小部分已夠。
可考慮將資金，投資股票類。
------------------------------------------------
Q15570：
老師我想問一個很低級的問題：如果月供股票去到某一日想賣出所有股票的話,那些未夠一手的碎股可以怎樣買出去？
龔成老師：
可以賣出。無論你是月供或其他途徑產生的碎股，都可以賣出的，你只要比市場價低少少，就可以賣到。
另外，有D銀行比你「月供得到的碎股，容許以正股價賣出」。
------------------------------------------------
Q15571：
我係facebook見到有人問你太古地產1972，你指質素唔錯而且有值博率。
但我想問下太古地產現時係香港未有太多大型發展既房地產業務，而且唔似四大地產商有大量農地並且主動投標買地，收地等行為。主要集中於現時物業/地產管理。
想問下你指既有質素其實佢仲有咩優勢呢?除左太古之外，會德豐/九龍倉/恆隆等都有同樣情況。比四大地產商主導，優勢何在?
龔成老師：
太古地產（1972）持有好多有質素的物業，例如太古廣場，每年的租金收入可觀，加上這企業有發展大型複合項目的能力，例如太古城，這些技術是佢的優勢，而佢亦利用這些技術，在大陸一些大城市發展地產項目。
近期香港的零售市道好弱，佢股價跌左好多，但如果我地從長線投資，就會明白這些物業，永遠都有價值，長期的租金其實理想，現時只是中短期問題。
因此，只要我地以長線模式投資進行，反而會見到這刻的股價有投資值博率。但要留意，這刻仍未算平，因此投資要分注，同時留有一定的現金。
------------------------------------------------
Q15572：
龔sir想問下點睇0435，我見佢股價幾年黎都有一直升，仲有增長空間嗎?適唔適合年青人?
仲有我想問呀sir你點睇大陸市場，有部分優質股喺大陸有業務，但大陸政治野真係好難講，好驚比因政治搞到唔再優質，始終對大陸冇乜信心
龔成老師：
陽光房地產基金（0435）本質不差的，持有的物業都有質素，但不是高增長的類別，只是收息，以及有基本增長能力。
現價合理，年輕人可以投資，但未必是組合的核心。
我地無可避免要投資學中國有關的股票，因為港股好多都係這類，如果要找潛力企業，有不少都是中國公司，我地只可以睇翻國策，以及自己平衡風險，唔好只集中在單一股票，而是建立一個平衡的組合，咁就可以減少風險。
如果你擔心，可以同時投資美股，進一步分析風險，例如
領航標普五百（3140），就是在港交所上市，簡單投資美股的工具。
------------------------------------------------
Q15573：
老師，想問下隻1740，在0.65買了10萬股/
另外隻9922， 在8.77買了6千股
應該如何操作
龔成老師︰
新石文化（1740）主要在中國從事電視劇投資、製作、發行及許可業務。客戶包括電視台（包括其營運實體）、從事電視劇發行業務的公司、電視劇執行製作人及版權擁有人。
其電視劇會在一些較知名電視台播放，如中央電視台、天津廣播電視台、山東廣播電視台及安徽廣播電視台以及愛奇藝、騰訊視頻、風行網及PP視頻等網上視頻平台。
業務上，的確有吸引力的，不過，我一向都新股半新股都無興趣，因為真實面要慢慢先見到，故估值困難，只建議小注，同時你要明白當中的風險。
九毛九（9922）這類新股，分析比較難，因為財務數據少，好難做到準確的估值。
佢係內地中式快時尚餐飲品牌管理及運營者，佢係內地所有中式快時尚餐飲餐廳收入中排名第三，於華南地區則排名第一。
可見，在業務上、品牌上、市佔率上都不差。現時運營269間餐廳，以及管理41間加盟餐廳，而「九毛九」及「太二」為佢的兩個主力品牌。
睇翻佢的財務數據，唔差的，不過現價就少少貴，雖然這股都有長線投資的價值，有貨就持有，只要不太過大注就得。
------------------------------------------------
Q15574：
你好龔生，我個人幾睇好5g股，未來1年半的發展，所以都想買相關股作一年半的短線投資，未知你有沒有推介的股呢？
（個人睇過，覺得552、2342、788為較為有機會的股）
另外都想知你認為那一個板塊會在未來1年有較為有發展潛力？謝謝你
龔成老師：
5G的確是一個尋找潛力股的地方，但市場已經開始留意這版塊，小心個別股會高追左。
你可以投資這類股，但不能夠投資一半的資金，同一行業這樣會太過集中。
中國通信服務（0552）、中國鐵塔（0788）、小米（1810）你都可以留意，相信長遠會有一定的增長力。不過，中國鐵塔現價有少少貴，如現價入只可小注。
我睇好5G的長遠發展，因此建議長線投資，但就唔建議只作一年期這類中短線投資。
------------------------------------------------
Q15575：
老師，請教下，我現時現金水平佔可投資資金1/3╴2/3已入市。
012 - 2%,823 - 13%,0900 （唔會再加) - 22%,1211 - 13%, 2800 - 50%。宜家係咪應該KEEP住等定可以分注入？
另外，已退休嘅屋企人如果有多餘資金係咪都可以分注入收息股例如2,778,6823, 435?
龔成老師：
以現時的大市平貴，應該留35%-50%，你可以用這個數作參考。你可以小注分注入市，只要同時留有一定的現金就得。
上述持有基本上都不差，ＡＥＯＮ信貸財務（0900）算是不過不失，但不建議太大注。整體來說，你分配算是無問題，只要入市時，同時留有一定的現金就得。
正於你家人方面，資金可以加上上述4隻收息股，如果佢地資金比較大，就應該加多幾隻收息股，作更平衡的組合。
------------------------------------------------
Q15576：
老師，現持貨1500股港鐵0066，一直分注43.4 to 43.8 買入.
現持有物業自住和資金約20萬，扣除必要支出，現每月約有4萬收入.
計劃繼續每月一手港鐵(之前是盈富，但覺得港鐵便宜，轉了過來)，想問現在約42-43算是便宜嗎?
資金方面可以再加注買股票還是再留多點待跌市。
龔成老師：
港鐵（0066）是好優質的股，你長線持有可以，不過現價只是合理區中上部，未到平宜的價位。
你可以用分注模式儲貨，但要留意，同一股票唔可以佔你的組合比例太多。
現時的平貴，你可以一邊投資一邊留現金，而餘下現金的運用，就是等大跌市時出手。
------------------------------------------------
Q15577：
龔老師你好，請問6049前景如何？
龔成老師：
保利物業（6049）前景不差的，佢係中國的物業管理服務綜合商，業務有物業管理服務：提供包括保安、清潔、綠化、園藝及維修保養服務，物業管理組合涵蓋住宅物業、商業及寫字樓、公共及其他物業。
生意與盈利都有理想增長，現金流不差，本身有質素。但市場近期對這類股有少少熱，現時估值唔平，優質度有的，如本身有貨可持有，但如想入就最好回少少先小注。
------------------------------------------------
Q15578：
呀SIR
我入左一手2800
@26.50
好5好再入多幾手
謝謝
龔成老師：
要睇翻你現時的股票組合與現金的比例，如果現金仍有一定的數目，就可以加注到盈富（2800）。
盈富現價合理，分注投資無問題，只要你買入價，仍有一定的現金餘下就得，目的是有資金，等大跌市時掃貨。
------------------------------------------------
Q15579：
Hi 老師 我之前入左hsbc 4手，$56.5 入，依家keep住跌，係咪等耐啲先放？會升返？thanks
龔成老師
匯豐（0005）的質素仍算有，但增長力，以及賺錢能力，都比過往有轉弱情況。如這股佔你組合比例不過多，這股類持有無問題，但你預佢只是收息，唔好對股價有特別期望。
如果匯豐佔你的財富組合不是過多，你持有是無問題，但你最好唔好理佢股價，只集中收息。如果你期望股價有增長，就買錯股。
------------------------------------------------
Q15580：
老師, 請問舜宇同瑞聲, 你認為邊隻會好啲呀
龔成老師：
舜宇（2382）的增長力，質素都較好，可惜現價略貴。而瑞聲（2018）都不差，但增長力一定不及舜宇，現時在合理區中上部。
要睇翻你的投資目標，是否想增值，如想增值就舜宇，不過要等回多少少先分注，會較好。
----------------------------------------------
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
管理綠化四途徑 在 蝦子維大力- [每日一解答] 【2】12.組織綠化有四種途徑 的必吃
【2】12.組織綠化有四種途徑，下列何者不是組織綠化的方法？ 1守法途徑(legal approach) 2行動途徑(operations approach) 3市場途徑(market approach) 4 ... ... <看更多>