關於 神奇 女 俠 2022 ，我們在網路上蒐集到這些相關的討論、資訊與評價

【就嚟到三月，下一水大片係咪真係可以如期上映？】

*12/1 更新：《魔比煞》已延期至十月上映

華納嘅《神奇女俠1984》到底HBO Max有幾高收視，可能我哋永遠唔會知，但喺新年假期過後，北美上週末票房就跌到得返300萬美元，北美累收約3,200萬。套戲上星期最高票房頭三間戲院都係汽車影院，算係幾有趣數據，但咁搞法，隨時連《TENET天能》條數都過唔到，而連埋全球票房收約1.3億，想好似《TENET天能》咁收近3.7億就有少少難度。目前歐洲疫情依然嚴重，大部份國家戲院都開唔到，只有俄羅斯今個星期有望可以上映，睇嚟都後勁不繼。

講完《神奇女俠1984》，唔經唔覺「延期潮」都接近一年－－由舊年大陸一堆賀歲片延期開始，三月荷里活大片紛紛延期，唔止一次，你以為最終都可以上映，最終甚至延到2022年，但轉個頭，「疫情片」另一「死線」又就嚟到，三月原定有《皇家特工：第一任務》、《魔龍王國》、《魔比煞》呢啲大片上映，睇個勢會唔會再延多次？

《魔龍王國》講明會上Disney+，可能影響不大，而由冇事延到有疫情嘅「前福斯片」《皇家特工：第一任務》，都係迪士尼所有，隨時又上埋Disney+，但《魔比煞》係冇任何串流嘅Sony又一大片，佢又會點處理？

當大家好開心話香港就嚟有Disney+，似乎冇諗過，有咗Disney+，分分鐘迪士尼大片你唔會再喺戲院睇到，包括上述呢兩套...

三月過後，四月真真正正係大片混戰期，依目前情況睇，好似又唔多樂觀喎。

各大片延期時間表可看留言連結。

🏆第7屆晞。觀影記事讀者電影投選現已接受投票，請踴躍參加啦：http://bit.ly/392BwQ2

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【DC由《閃電俠》開始，拆平行時空雙線發展？】

呢頭《蜘蛛俠》講到會平行時空、三代同堂，果頭DC似乎覺得可以一試，又整個平行時空。繼早前話《閃電俠》搞到時空去得太快，令Ben Affleck同Michael Keaton兩代蝙蝠俠會同時出現，但同時間，都會因為閃電俠搞到出現平行時空。由《神奇女俠》、《水行俠》果班代表嘅，就係一個時空，繼續《正義聯盟》個時間線，而Robert Pattinson版《蝙蝠俠》就會分裂出另一個時間線。之前《JOKER小丑》表明唔拍續集，後尾見收得又應該會拍續集，唔知會唔會順勢俾另一個時間線佢？

華納都唔係講完就算，而係嚟真。事關佢已講明由2022年開始，將會每年有4套DC電影，但當《正義聯盟》一鋪衰咗後，以為佢會俾心機慢慢發展返獨立電影，咁快又回歸舊路？唔知Zack Snyder版《正義聯盟》會唔會解釋返多少少，到底發生咩事？

同時，DC仲有《沙贊！神力集結》第二集同《Black Adam》排緊上映，我唔熟DC漫畫，唔知佢係邊個時間線了。

或者咁講，2022年，世界未末日、疫情好返先講啦。

順帶宣傳，《蝙蝠俠：黑夜之神》海報得返最後8張，要買趁手喇：https://bit.ly/3ooes4n

‼️第7屆晞。觀影記事讀者電影投選現已接受提名，請躍躍參加啦：http://bit.ly/38HwhoQ

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【華納全部戲「串流戲院同步」，最終真係返到轉頭？】

#華納戲院串流同步花生事件簿

日前爆出嘅「華納事件」，對於普通人應該冇乜人理，但對於全球影業嚟講，真係「核彈級消息」都不如，大半年前Universal「魔法精靈唱遊大世界之亂」都冇佢咁癲。呢兩日喺度睇相關分析文章，花生滿地。

呢單嘢爆出後，IMAX、AMC、Cinemark股價通通急跌，當中喺Universal事件第一時間話要杯葛，但都第一時間同Universal握握手嘅AMC，就係最嬲果個，佢哋表示，本身以為《神奇女俠1984》只係一次性事件，點知開咗個先例，華納竟然一直要咁搞落去，為咗HBO Max嘅Subscribe，犧牲戲院業界嘅前途。

雖然，疫苗開始有曙光，但係有調查就指出，美國觀眾未來半年入戲院嘅意慾都好低，華納《TENET天能》仆直咗（洛杉磯日前終於上畫），呢件事影響有幾深遠有目共睹，華納做咗呢個決定仲唔驚咩？不如盡地一鋪，拎《神奇女俠1984》同之後17套戲做實驗！戲院前途堪輿，就谷行HBO Max啦，起碼要同到Netflix同Dinsey+抗衡先得！

之但係，話就話31日之後就會落架，然後跟返正常程序、正常空窗期咁出碟，但觀眾喺HBO Max係可以免費睇到同期大片，而唔駛好似Disney+要額外俾錢，唔排除有數量唔少觀眾，會因此去咗HBO Max而唔入戲院睇，喺31日後熱情冷卻，戲院仲有咁多觀眾會入場、同戲院拆嘅收入，又會跌幾多？華納表示呢個只係2021年權宜之計，當佢咁樣玩咗一鋪後，2022年如果戲院真係開得返回復正常，「入戲院」觀影習慣，仲返唔返得到嚟，到時「空窗期」係幾耐？呢堆都係值得深思議題。

當華納開咗先例後，相信對家Disney+都隨時會咁跟－－Disney+已講明會向串流發展、唔再對焦戲院，短期嚟講，好似係個雙贏局面、長遠嚟講，觀影模式肯定從此改變，而票房指標，將會從此冇以此咁重要。

Universal當日嘅決定係燎原之火，再到Disney+同華納嘅決定，一單比一單爆，最諷刺係，如今最積極投放資源喺戲院，仲要賺到錢嘅，Universal係唯一一個，當日千古罪人，今日變成咗救命水泡。

Sony同Paramount就繼續維持佛系原狀：404 not found.

與此同時，HBO Max都好醒水，喺《神奇女俠1984》上架前，將免費試睇cancel咗。

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie