關於 睇幾辨 ，我們在網路上蒐集到這些相關的討論、資訊與評價

十二月喇，大家早晨💁🏻‍♀️
原來仲有31 日呢個2017 就過左了，又來 #多謝公關系列，昨夜司機哥哥上門送來呢棵咁cute cute 的新鮮聖誕樹，我都係第一次收呢款咁天然咁香的樹仔🎄，仲要有埋縮寫 #JW ，so sweet 😘，等我借個位來謝謝品牌公關的厚愛先💞💫✨
✨✨✨✨✨✨✨✨✨✨✨✨✨✨✨✨✨
多謝大家一直以來有收睇呢個小小的專頁，有睇又有讚我的廢話X3000，其實我沒有一張工作枱，飯枱上剪片寫稿嘔血教做功課覆電郵影product shot，全都在這小小的平面上發生，呢棵樹剛好點綴下呢個小小的平面⭐️

雖然是月頭，也是年尾，和自己說唔好再懶，我形容自己是一個煲仔飯檔🔥睇火的人，同時間煮幾煲飯 （#睇幾辨）原來都有力不從心的感覺，人是貪心好勝的，媽咪也是人，也愛這又想那，但都好多謝會賞識我的人，不能討好全世界無問題，但有人俾機會我發揮我都會懂珍惜的😌

好喇！無咩事我而家去買餸先，因為我真係好鍾意買餸 ，哇卡卡😜

#TGIF (要識 呢句 “Think God It’s Friday)
#量膚定制 #customblendedskincare #mtmskincarehk MTM Custom-Blended Skincare HK

#仲有三十日就貮零壹捌
#救命D時間點解咁快過
#傻媽咪堆新聞稿夾功課
#做女仔嘅有事唔怕同人講
#我都係咁樣教我隻女

Redmi Note 10 5G 開箱 - 小米喺2021年6月17日舉行發佈會，宣布將會喺香港推出旗下品牌紅米嘅一部新5G手機－Redmi Note 10 5G，今日就同大家睇下！香港5G redmi note 10 5g unboxing

呢部手機配備6.5吋FHD+開孔屏幕，有最高90Hz嘅刷新率，並採用咗聯發科天璣700處理器，支援5G雙卡雙待同埋NFC等功能。佢嘅機背採用磨沙物料，手感順滑之餘，亦唔會容易粘上指紋。而機身右側就設有音量鍵，同可用作指紋辨識嘅電源鍵。

等我試下開個瀏覽器，睇下片先！色彩睇落自然，畫面亦都好流暢，絕對收貨！再睇下個5G速度！唔錯！無論打機定睇片都絕對夠用喇！

喺鏡頭方面，Redmi Note 10 5G有800萬像素嘅前置鏡頭，而後置三鏡頭就由4800萬像素主鏡頭、200萬像素微距鏡頭同景深鏡頭組成。試下正常影下相先！以入門機嚟講，個質素真係幾好！

Redmi Note 10 5G有5000mAh嘅電量，支援18W快速充電，就算全日使用5G嚟打機睇片都可以應付到。

呢部手機香港已經接受預訂，並會於2021年6月23日正式發售，6GB RAM + 128GB內置儲存空間版本賣HKD$1,599，有彩光銀、石墨灰、夜幕藍同極光綠4款顏色選擇。

#NokiaX105G#蔡司認證鏡頭#高性價比

Nokia早前推出咗一部號稱性價比高嘅5G手機Nokia X10 5G，今日就同大家介紹下！

Nokia X10 5G採用6.67吋嘅FHD+開孔屏幕，並配備高通Snapdragon 480處理器，預載Android 11系統。佢機身設有可用作指紋辨識器嘅開關鍵同Google Assistant鍵，亦支援臉部辨識、NFC同藍牙5.0功能等等。

喺鏡頭方面，Nokia X10 5G有800萬像素嘅前置鏡頭，而後置嘅蔡司認證四鏡頭就由4800萬像素主鏡頭、500萬像素超廣角鏡頭、200萬像素景深鏡頭同微距鏡頭組成，支援電影同人像拍攝模式、蔡司眩光效果同埋前後鏡頭同時拍攝功能。

Nokia X10 5G擁有4470mAh嘅電量，支援18W充電，應付日常生活絕對冇問題。Nokia仲會支援3年嘅系統同每月安全性更新，確保用家安心。

Nokia X10 5G喺香港已經上市，6GB RAM + 128GB內置儲存空間版本賣HKD$2,598，有森林綠同雪白兩款色。如果遲啲想睇埋Nokia X10 5G嘅開箱同試用嘅話，就記得繼續留意我哋喇！

#Apple#WWDC21#懶人包

蘋果Apple喺稍早時間嘅年度開發者大會上，正式公佈咗最新作業系統iOS 15，今日就同大家介紹下到底會有咩改進同新功能喇！

iOS15將會為大家提供一個更好嘅Facetime體驗。佢新增嘅「空間音訊」功能，可以令用家通話時嘅聲音聽落更加自然，亦都可以分隔背景聲音同用家講嘢嘅聲音，令通話質素更好。佢仲加入咗「人像」模式，等用家可以喺視像通話時將身後嘅背景模糊，令畫面對焦喺用家身上。另外，用家Facetime嘅時候都可以使用「SharePlay」功能，同朋友一邊視像通話，一邊同步聽歌、睇戲、瀏覽網站等等。

iOS15亦都加入「Focus」功能，幫助用家管理好通知內容。呢個功能會根據用家與唔同App之間嘅互動，將通知自動按照優先次序排位，方便用家可以先睇到更重要嘅訊息。用家喺設定中都可以選擇喺某段時間內不被通知滋擾，或者喺工作嘅時候只接受某幾個App彈出通知等等。

喺相機方面，iOS15將會支援「Live Text」功能，將相片入面見到嘅文字逐一辨識，並轉化成可編輯嘅文字檔案。用家亦可以利用「圖像查詢」功能，搜尋返相片入面見到嘅地標、花草植物、動物品種等等嘅相關知識。

除咗以上新功能外，Apple喺iOS15中亦都會有重新設計Safari瀏覽器、改進Apple地圖、將更多元素加入天氣App、有支援更多功能嘅Apple錢包，同加強私隱等改進。Apple預計iOS15公眾測試版將會喺2021年7月推出，而正式版將會喺稍後，預計9至10月推出。