【 #拍拖活動廢人包 - 帶另一半漫遊《幻愛》取景地～ 】
(⭕️⚠️🙏🏻提提大家，而家疫情開始又嚴重喇😩睇完廢人包可以BookMark袋住同j下啲靚相先，要留意住疫情等緩和同安全，先至周圍去玩呀！🧏🏻♂️👌🏻)
本土港產片《幻愛》憑口碑票房反彈，成為過往週六日票房冠軍。精神病康復者志樂同輔導員葉嵐嘅故事感動咗唔少入場觀眾，網民仲大讚《幻愛》係近十年最好睇嘅香港愛情片。故事情節固然細膩感人，但電影仲有個特別之處，就係走入屯門取景，導演將「元屯天」拍得非常唯美。無論係再平常不過嘅輕鐵站、夜晚零靜嘅行人隧道定較少人認識嘅屯門碼頭，都非常有港式情調，連大西北居民都驚嘆：「原來屯門咁靚」！
.
相信唔少人對輕鐵印象都停留喺難搭、複雜，作為一個新界東居民，當年入屯門第一次搭輕鐵真係頭都大埋，落車又唔記得拍卡，又搵唔到應該喺邊個月台上車... 不過睇完《幻愛》，真係好有衝動帶另一半去遊轉輕鐵河（必去蝴蝶站！），再同佢去屯門碼頭燈塔位睇日落～ 今次為大家整理咗《幻愛》主要取景地，影迷不妨拍住拖去朝勝（屯門又多嘢食），邊個話去電影場景打卡係去旅行先做！
.
P.S 提醒返大家去影相嘅時候，都儘量唔好影響到其他人啊(雖然我知大家都唔會影響到人嘅☺️但係唔好嫌我哋長氣，因為有時影相影得太高漲會樂極忘形🤣)
.
圖片授權：IG @xx._.eye, hazelmak, stevengraphhk
《幻愛》觀後感：https://reurl.cc/rxWrxx
.
#睇完返去聽歌仲係眼濕濕 #幻愛 #電影 #港產片 #影評 #劉俊謙 #蔡思韻 #情侶 #愛 #愛情 #愛情語錄 #女朋友 #男朋友 #香港好去處 #拍拖 #拍拖活動 #屯門 #輕鐵 #屯門碼頭 #打卡
.
即like @港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm介紹拍拖好去處，我哋等緊你㗎😙！
睇完返去聽歌仲係眼濕濕 在 公司旗下歌手- 何家銘Tomy Ho 何家銘]... - 酷逼娛樂HoBig ... 的必吃
走去唱一首自己寫完又怕駕馭唔到嘅歌 希望大家都可以支持吓，呢位大膽嘅導演，用一個無膽嘅歌手，拍咗一個搵返勇氣嘅微電影。 睇完之後幫手投個票啦 多謝大家！ ... <看更多>