十天日本郵輪之旅，今天終於完滿結束，對於我和父母、兒子，每一幅都是難忘而感動的照片，我們永遠都會記得呢個家庭旅程。最後一天，有點感言，一定要記下來。初初收到皇家加勒比郵輪公司邀請，仔仔已經十足興奮，因為船上的兒童活動超多，但爺爺嫲嫲未出發之前，有點擔心十天太長會悶，最後他們也覺得節目超多而精彩。每天房間也會收到第二日的全日節目安排，由早到晚幾十個活動，不同年齡的朋友也期待。其實三年前已經玩過皇家加勒比的另一隻船「Allure of the Seas」由美國邁阿美出發，真正的行加勒比海航線，玩海地、牙買加、墨西哥，當年要由香港飛去美國上船，落船美國又要飛返香港，有點煩。所以今次香港上船，特別期待。而且上次係同同事去，今次可以帶埋家人去，感覺好幸福。以下有幾點，可以提提大家及分享一下。
(1) 上船一定要買餐飲Package
船上有多間餐廳免費提供食品，包括自助餐廳、cafe、snack等。但有幾間要付費的餐廳，係必去的，例如我最愛的Chops Grill ，高級扒房，他們的多款牛扒水準很高，其實最必試的是「filet mignon」，肉味香濃，又軟熟多汁，可以五成熟或更生一點! 餐飲Package 可以選三餐或四餐，自己邊日邊餐在哪裡吃。US$88 一個人3餐fine dining，即係平均HK$200幾但食到一餐我感覺值$600至$800的高級晚宴🥰🥰🥰，超抵💕
(2) 帶定一至兩套靚衫
有船長晚宴及其他party，著靚靚去玩特別開心。而且吃fine dining的時候，都係著得靚d好。野食方面，比平常的餐當然更高級、美味。
(3) 絕密廚房Tour
食左幾餐，已經好想知一艘郵輪，3800位賓客，究竟可以點預備? 一定好驚人! 我本身想上網找documentary 睇，點知上船先知有個TOUR，可以俾你行入平時不准進入的廚房，每個TOUR十幾人， 45分鐘，介紹得好詳細! 例如，去到餅房，師傅每日要做19000個麵包! 究竟點做? TOUR完，仲立即有個香檳BRUNCH，享受剛剛看到的製作成果! 都係30美元 (小朋友免費)。
(4) 安全的托兒服務
我到最後一晚，先發現原來12樓兒童遊戲區，除左有個小型冒險樂園咁咁多野玩，原來仲有幾個大房，分不同年齡小朋友去，每個房都有愛心哥哥姐姐帶小朋友玩遊戲、看電影...放低3個小時，自己可以去飲下酒、娛樂場玩下、(如果覺得放低左個小朋友好空虛)返房做多個小朋友出來都得... 最後，要拿房卡，核對身份先可以接返個小朋友，十分安全。
又例如小廚師班，老師細心教導小朋友做Cup Cake，好好玩！
(5) 甲板電影院
甲板除左幾個泳池、按摩池，仲定時有LIVE BAND、電影播放，浸住按摩浴看電影、聽音樂，好好FEEL!
(6) 海景露台房
建議揀海景露台房，因為郵輪上的幾十個活動如果唔岩玩，仲可以返房，在海景露台自斟自飲睇下小說，到黃昏仲可以睇住隻咸旦黃慢慢落到水平線，會感動到喊的....係超正享受。
(7) 帶定防曬
日日玩甲板的活動，必要預備。
(8) 郵輪公司安排及應變能力好高
行程中，遇上了大風暴，船長果斷作出行程改動，再與保險公司開會立即安排賠償，第二日已經公布方案，再安排其中一個好大的地方，幾十部電腦，3800人安排如何分區分時段去登記，再半日後已經將賠償入賬房間戶口，效率超高，安排得好好。
(9) NEXT CRUISE
其中一層，有個NEXT CRUISE 區域，有幾個櫃檯，俾大家去用優惠價預訂下一次郵輪之旅。我每次經過，幾個counter 都有人在排隊，我覺得大家應該都好似我咁，幾滿意呢次海上旅遊。
最後，要再次多謝皇家加勒比郵輪公司，讓我們都感受到最高級別的款待，與美好的回憶。我都要安排一下NEXT CRUISE ，好想在12月一試最新科技家庭郵輪「海洋光譜號 Spectrum of the Seas」。
Royal Caribbean Hong Kong 皇家加勒比國際遊輪
#RoyalCaribbean #VoyageroftheSeas #非凡體驗 #CruiseExtraordinary #海洋航行者號
你都想試吓一家人的幸福與感動？立即訂位：
http://bit.ly/2JuWHiu
* 7月內預訂「海洋航行者號」香港母港航線，同房可減高達HK$3,000！
皇家加勒比海郵輪介紹 在 Royal Caribbean Hong Kong 皇家加勒比國際遊輪- 首頁 的必吃
皇家加勒比海 遊輪公司推出一系列業界僅有的豐富特色與設施，包括令人讚嘆的百老匯式娛樂內容與獲業界肯定的節目安排，適合全家大小與勇於冒險的旅客參加。公司旗下包括26 ... ... <看更多>