Day 2 宜蘭輕鬆一天遊💕💕⭐️
為左你們而寫的極詳細景點分享😊
如果你地欣賞米媽既心機分享就like +留言轉發～😊🙏🏻
因為米米在香港一直提到想餵小動物，但這次只是4天時間。米媽也思前想後很久才決定都是來宜蘭玩一天吧。
之前的考慮是，單是來回台北宜蘭，也預計來回會塞車，共四小時。（正常不塞車下45分鐘至1小時）但米米喜歡，感覺不去就會好似有點失落。
於是同包車司機菠蘿🍍哥哥溝通過後，我們今天就來一天宜蘭輕鬆遊吧。 米媽這次用的導遊司機是十級好，值得米媽另文再分享細節推介給想宜蘭親子遊的爸爸媽媽們）。
早上台北出發，行程是按米媽喜歡的，其實菠蘿哥哥想帶我們去多些地方，我們是極懶😂去幾個地方就滿足了，想早些回台北。 （菠蘿哥哥早上8:30 來台北接我們，之後打算帶我們在宜蘭玩到食晚飯再車我地回台北，避開塞車，完全不計較喜時再超時，只是我們懶😂而且全程幫我們打點及拍照）
👉🏻米媽未有時間逐個回覆大家司機資料所以叫菠蘿哥哥直接覆你地會快啲～
⭐️⭐️⭐️⭐️⭐️
好了，回歸今天行程，宜蘭景點有三，很適合小朋友。
👉🏻大洲馬場
👉🏻宜蘭牧場
👉🏻番割田甕缸雞午餐
👉🏻膾筆城堡DIY
👉🏻回台北（途中菠蘿🍍哥哥知道米媽想買水果🥭，帶我們順路經焦溪去買）
👉🏻台北無老窩晚餐😋
🌈第一個宜蘭景點，🌈👉🏻大洲馬場🌈
大人小朋友都非常適合🈴️的。可以餵馬，可以有騎馬體驗，大人👩🏻小朋友騎不同大小的馬，有專人在旁顧著，馬馬都很乖。
菠蘿🍍哥哥建議先餵馬馬食野，等小朋友接觸下馬馬先，再去騎馬，就唔會驚。 米米餵得好開心，之後到佢左騎馬時，米米自己話唔駛我地陪，有工作人員帶佢就可以。 米呀米，真係好大膽，以前既米，好細個時，好怕醜，而家大個女左，有自信，夠大膽去嘗試新事物。 米媽都為佢鼓掌😊。 米爸話佢唔駛試騎喇😂
總的黎講，如果黎開宜蘭，大洲馬場可以安排在行程中。 時間約30-60分鐘，視乎不同種類的體驗。
🌈第二個宜蘭景點。🌈👉🏻宜蘭牧場🌈
呢個宜蘭牧場，地方少少但很豐富，米米兩歲時來過很喜歡，所以今次也一家要來。主要是可以餵小動物，摸摸他們。 小朋友就很開心了。
這裡可以餵小豬🐷，小兔，天竺🐭，羊羊🐑，雞鵝火雞魚，也有一兩個攤位撈魚，也有舊式的滑梯及千秋設施。 餵魚雞鵝我們就無咩興趣，最關心就係餵豬餵羊兔。😊 滿足到米米😊
🥣午餐🥣： 番割田甕缸雞
我地加司機加米米，三大一小，
米媽喜歡熱鬧啲，叫埋司機哥哥一齊食。（通常佢地唔同客人食，米媽話加雙筷幫手食堅持話買左喇司機哥哥先肯一齊食） 菠蘿哥哥好客氣，請返我地飲野。太識做喇。😊
米媽叫左一隻烤雞，要自己手撕全雞，菠蘿哥哥幫手拆肉拆得好好～（幾好食，但我地都食唔曬），兩個菜，其中淮山炒水蓮，好爽口好食。仲有個鮮菇湯，兩白飯，一魯肉飯（好食）
埋單NT1200
大家未食過可以黎食的，米媽兩次黎都有食。隔天就係腊筆城堡，所以腊筆城堡可以安排在飯後。
🌈宜蘭第三個景點：🌈👉🏻腊筆城堡DIY。🌈
呢個腊筆城堡第二次玩，上一次米兩歲，今次4歲半。 兩次玩既一樣但係今次米米更懂得自主單獨地去完成DIY.😊
一張飛有4次老師帶領的DIY, 時間大約一小時30分鐘。
👉🏻畫風箏，自己整風箏
👉🏻DIY水彩筆
👉🏻DIY腊筆
👉🏻DIY身體彩繪
之後更有不同角色服裝免費/租借給小朋友穿。
米米今次真係大個女，雖然聽唔明老師講咩，但聽到請小助手出去幫手，主動鬥快舉手🙋🏻，雖然出到去一舊雲聽唔明老師講咩，但都好乖企定定配合😂
💕米媽今次好開心米爸同行，米媽可以坐對面望著米爸同米米既合作同互動完成手上既勞作，感覺很溫暖很幸福。 💕平時都是媽媽忙著幫小朋友完成，媽媽仲要影相紀錄返去俾老公睇。忙著都無時間從旁觀察到小朋友的成長。今次米媽刻意坐對面，由米爸和米米一起完成，而家有導遊司機幫我地一家影相，米媽又可以細心咁望住兩父女既互動，感覺很難得。🥰💕
完成後，司機哥哥仲想帶我地去一至兩個行程，但其實米媽米爸覺得很充實了，就建議提早回程，司機以為我地怕佢超時，佢話唔擔心，無所謂的。但其實唔無，米爸米媽喜歡輕鬆行😂 所以司機哥哥就車我地去焦溪睇水果再回程。
米媽午餐後提起今晚想打邊爐，無老窩或問鼎。 🥣菠蘿哥哥就趁我地聽講解時，打左唔同分店幫我地睇下有無位，最後幫我地book左6點～～ 話車我地返酒店再車我地去餐廳～
💕💕💕💕💕
今日既宜蘭一日遊，輕鬆滿足。
⭐️⭐️🌈行程雖簡，但滿載開心， 價值在心，不在行程多寡，走馬看花，不是嗎？😊🌈
回程途中盡快打這篇遊記，回頭望望睡得香甜的米米，米爸。不言而喻。🥰
💕為左你們而寫的極詳細景點分享😊
如果你地欣賞米媽既心機分享就like +留言轉發～😊🙏🏻多謝你們～
米媽都曾分享過宜蘭遊記，果次係5日4夜宜蘭，大家都可以去相部搵返～
番 割田 甕 缸 雞 半 隻 在 番割田甕缸雞 - Facebook 的必吃
番割田甕缸雞, Suao. 4197 likes · 131 talking about this · 15357 were here. 古法甕烤在地時蔬別無分店僅此一家我們從宜蘭縣五結鄉五結路三段191號搬家至宜蘭縣蘇澳 ... ... <看更多>