多謝支持🙏🏼🙏🏼
#好評如潮
每一個都係笑中有淚既香港故事、每一集都令香港人好有共鳴。
「文明時代，反智社會」—— 就係香港。
—————————————————————
《向西聞記》
片種：Dark Comedy 黑色喜劇
評分：4.2/5
簡介：
香港知名網路小說作家「向西村上春樹」既同名小說改編。九個獨立單元劇，講述九個只有係香港呢個城市先會發生既反智故事。
—————————影評——————————
正如原著小說所講 — 「文明時代，反智社會」。係香港呢個咁先進同富裕既地方，卻出現咁多可笑又反智既事情。作為香港人，每套劇你都會有共鳴，每個笑位你都get到。不過，笑係恥笑，係無奈既笑，係笑中有淚。
九個獨立故事，係「向西」用近年香港發生既各種趣聞做basis，再以佢一貫抽水到肉、文筆貼地既風格描寫出黎。雖然故事獨立，但前後會有少少linkage，所以建議順住黎睇。
劇裹既對話同粗口好香港、好地道。令筆者諗起彭浩翔既《志明與春嬌》、《飛虎出精》。雖然道行未去到佢個level，但已經好正。加上近年太多中港合拍片，對於嗰d用普通話寫script，再譯做廣東話既「港產片」，筆者真係不敢恭維。
呢套劇係以男性角度出發，所以男仔睇會更有共鳴。劇中大部分既男主角唔係賤男（女人眼中）就係毒撚，成件事係好貼近現實。
而且每集都少甜，個個女主角都J得下⋯咳咳，當⋯當然呢個唔係筆者鍾意套劇既原因啦。
🤡🤡🤡每集短評🤡🤡🤡
1. 畜牲傳心師：筆者仲記得當年有線新聞用假龜玩尻動物傳心師嗰段「柒到唔敢睇」既片，真係好好笑。以此做主題，加上張繼聰做賤男夠晒神似，絕對必睇。其實老老實實，點解香港會有人咁on9信動物傳心呢樣野？
2. 咖喱「雞」：唔知有無偷食既師兄經歷過⋯有既請對號入座。
3. PTGF&PTBF：呢集普普通通，不過講幾句英文扮ABC/BBC識港女呢招真係好香港。另外⋯女主角幾好J。
4. 食女性地嘉亨灣：男主角只會用下體諗野，見到女淨係知「中出即飛」。一班男仔入面一定有一兩個係咁，或者係你本人。
5. 台北的港男港女：兩個港人係台灣相遇，港男扮台仔溝反港女⋯最後結果⋯唉。都係唔劇透，自己睇啦。
6. 因為寂寞所以健身：唉⋯筆者明，筆者真係明。作為一個毒撚，有邊個唔希望溝到女？有邊個唔希望脫毒？
7. 骨與慾：睇完健身肥仔再睇呢集，都幾灰下，又係一個可憐既毒撚故事。筆者都試過係香港揼骨（正經嫁，咪成日諗衰野啦），但就從未見過咁後生靚女仲要係操純正廣東話既骨妹，係香港亦未見過咁大咁靚場，假左少少喎。
8. 獨男愛的機會：又係IT狗被恥笑既故事😩。但主角既衣著真係要執執⋯邊有做infra/helpdesk既人會識著呢d衫嫁？導演應該參考下「專家Dickson」個look。
9. 碌架床：筆者最感觸既一個故事。一個好可笑既故事。外國人睇左可能會覺得唔合情理：世上點會有地方3百幾尺住6個人？點會有人結左婚都要同人share房訓？點會有人為左層樓去到咁盡？無數活生生既例子就發生係香港。呢個故事好寫實，好”Sad but true”。在此為每個同筆者一樣，無父幹、連維持一個蝸居生活都困難既香港人講句：共勉之！
#netflixhk #netflix #netflix影評 #hea評netflix #向西村上春樹 #向西聞記 #香港故事 #港劇
畜牲傳心師 在 向西聞記-畜牲傳心師- YouTube 的必吃
AboutPressCopyrightContact usCreatorsAdvertiseDevelopersTermsPrivacyPolicy & SafetyHow YouTube worksTest new features. © 2022 Google LLC ... ... <看更多>