關於 男朋友病 咗 ，我們在網路上蒐集到這些相關的討論、資訊與評價

【阿肥報平安！】

難得死唔去，報個平安先！

手術已經完成！傷口仍有出血同隱隱作痛！(不過正常嘅！)

今次有咗人生新體驗，我覺得自己又成長咗不少！

以前通常擔任照顧者陪同家人進出醫院，今次終於輪到自己成為主角了！

或者因為抱住肥媽抗戰十四年四個月零廿二日嘅日子過得太艱難、太痛苦、太委屈、太深刻，多年來累積返嚟嘅血淚同勇氣，造就咗我獨力面對同打不死的精神！

個個都有人陪入院出院，唯獨我一個，唔想俾任何人知、亦唔想任何人幫；我唔需要人陪我，亦唔想麻煩任何人！

簡單講，除咗肥媽，我唔想再同任何人接近！

今次我住婦產科三人房，鄰床兩位病人都應該同我做類似嘅手術！

左邊嗰個，男朋友陪到夜一夜(晚上10：40超哂時)都唔肯離開，第二朝一大清早7：00未到又嚟過！

右邊嗰個，做手術前一晚深夜同做手術麻醉醒返後，拎住部電話同男朋友喊到fei li fe lei！

唯獨我一個，心境好平靜；不過就係因為太平靜，護士叫咗院牧嚟探我！

我同院牧講，其實我好想快啲返去肥媽身邊，所以之前我一直猶豫做唔做手術？因為唔做嘅話，我希望可以死快啲！但之後又覺得自己冇勇氣，以前逼肥媽接受各種可怕痛苦嘅治療，到自己有事時就退縮，所以最後都決定自己爬入嚟！

院牧都俾我攪到冇乜嘢好講，最後只好為我祈禱！(多謝你！)

冇幾耐，護士入嚟話我血色素太低(8.6)，要我抽多次血，配定血以備不時之需！

呢度嘅護士手勢真係好，往往一針見血；唔似肥媽以前喺明愛醫院俾人拮到全手五六個針孔都搵唔到條血管，態度仲要超惡劣；攪到肥媽委屈又痛到喊，我就氣憤同心痛到喊！

手術前一晚，我成晚都冇瞓過，含住兩粒脷底丸後又凍到不停打冷震；之後問護士攞多張暖氈先好啲！

早上六點幾起身梳洗，換上手術袍後，我自拍咗以下呢張相！

雖然冇乜點瞓過，但我覺得自己依舊咁精神！呢個素質係以前成日漏夜讀書讀到唔肯瞓、之後每日工作同照顧肥媽，晚晚瞓得三四個鐘鍛鍊出嚟！

被推往手術室途中，我望住天花板嘅燈眼到唔眨；我好想記住每一幕，感受吓肥媽以前喺醫院被人推嚟推去時嘅感覺！

「肥媽，辛苦妳了！」

瞓喺手術室等候區期間，見啲醫生護士忙到氹氹轉，唔少老公要入嚟陪產，護士要逐一安排！

之後麻醉科鄺醫生同主診玉醫生走埋嚟我床邊見我，問完我一大輪問題後，準備推我入手術室了！

我內心同肥媽講：「媽，我入去喇！如果我醒唔返，妳記得第一時間嚟接我！如果我死唔去，希望妳能繼續保佑我有勇氣行落去！」

結果，瞓醒一覺，死唔去！不過因為貧血，醫生要我滴完一大包鐵水、瞓多幾個鐘先准走！

由於術後傷口有頗多血流出，加上我又有貧血，所以護士知道我自己一個走時都有啲擔心！

我話冇事喎！我自己handle到！我特登唔俾人知嘅！我唔想任何人嚟探我，包括我細妹！

佢哋見我冇叫餐，又哦：「妳麻醉藥過後有冇叫嘢食？我驚妳會暈！」

由於我一啲都唔覺餓，加上平日只吃鼠糧同杯麵，所以對個餐牌一啲興趣都冇！

「妳唔食啲嘢，我唔可以俾妳走！」

最終，我飲咗盒自己帶入去嘅375ml朱古力維他奶！

平日工作，成日有老人家要求搵陪診；好多人病咗都希望有人關懷同照顧；但我發覺自己好唔一樣！

我唔想任何人關懷、探望同照顧自己！我一生人最需要人幫忙嘅時候已過，嗰段時間為期十四年四個月零廿二日，係我抱住肥媽抗戰嘅艱難日子！當年曾經出現喺我同肥媽身旁，關懷、體諒同幫助過我哋嘅人我心存感激，但之後因角色身份被逼扮演嘅寒暄慰問，就真的不用了！

在此，感謝主診醫生玉醫生、麻醉科鄺醫生、以及浸會醫院曾經幫助同照顧我嘅每一位同事；以及曾經來到這片夜空為我打氣嘅每一位朋友！

既然今次死唔去，相信有排捱落去！

雖然傷口仲未好、有一大堆藥要食、稍後要覆診、同要攞化驗報告，但我絕對應付得到！

呢一張入手術室前嘅相就係最好證明！

大家放心！我可以的！

因為我係肥媽嘅二女兒～阿肥！

肥媽保佑！阿肥加油！

尋晚半夜第一次同薯餅沖涼🚿😳
醫院返嚟之後佢一直都軟便💩
每次聽到撥沙聲我都一枝箭咁衝去
執屎同埋抺屁股😬
每日餵益生菌、離胺酸、
同埋完成整整一支Pro-Kolin
都仲係軟便😳
因為薯餅超級鍾意乾糧
所以又唔敢岩岩病好就cut乾糧轉生肉
結果尋日佢一時失手坐咗落去💩🍑😨
無辦法一定要洗屁屁了😭🚿🚿🚿
第一次濕水嚟講佢算好俾面
男朋友抱住佢都應該無抓到出血？🤣
薯餅，希望你便便快啲好返啦❤️
之前出院因為佢胃口好差
配方糧的話一啖都唔肯食🥲
因為太擔心佢唔夠營養
所以除咗乾糧之外試咗好多不同罐罐鮮食
不過最近胃口好返了！
試試暫停罐罐鮮食會唔會變好啲啦🥺❤️

《讀者請教 》

同男朋友拍拖已接近六七年, 一直都 計劃唔會生b,最近伯母得知我收咗個契女之後佢就好嬲, 喺度鬧 :收咩契女呀? 自己鍾意女就好心生番個出嚟!

其實我哋一早講咗話唔會生，但係佢講極都唔明，成日係咁追，講嚟都嘥氣，頭嗰幾年佢都叫我哋唔好生，話我哋又未成熟，又經濟又未穩定, 但之後又係咁不停叫我哋生，其實問題都未改善簡直龍門任佢搬!

我收契女關你鬼事咩？如果我生得出嘅話，都唔使收契女啦!係咪先?你都要明白我嘅苦況!

唔生嘅原因 :

第一經濟問題，大家都係抆抆緊，各自有家庭負擔，實在冇多餘錢。

第二亦都係最緊要嘅問題，就係本人關節近盤骨位置有問題， 需要打針和食藥控制。

第三我都試過湊我姨甥女，不過由於身體狀況，體力問題未能照顧，差點而出意外。

第四而家社會成個氣氛，全球疫情未受控，唔想細路仔喺病毒環境下長大，始終人心惶惶。

第五性格問題， 比較焦慮同急躁，好有依賴性，我真係經歷過，知道自己不能承擔呢個咁大責任!

點知佢老母越嚟越發癲，點都要有個孫，不過佢另外仲有個女過咗40歲都未有男朋友，所以個壓力都幾大， 而且另一半由於工作壓力大真係舉唔起 !

而家佢老母仲要比壓力令我哋，好困擾😵 如果佢老母再咁樣壓迫唔收聲，否則叫個仔唔返去探佢，睇下邊個驚啲？除非佢阿媽覺得淨係得個女已經足夠。

請問大家仲有冇其他方法對抗？？謝謝。

＃我的極品四大長老

Angela在鮮紅色的藥丸包裝擠出一粒圓扁的藥丸，這就是她每日服用一次的甲狀腺藥物。現年29歲的Angela，已經服食該藥逾兩年，至今依然未斷藥。她透露，醫生曾建議可轉飲碘水或做手術，但她仍沒有這個打算，並期望「希望我可以乖乖食吃藥就會冇事了」。

嚴重可致心臟衰竭 呼吸也會肥
甲狀腺亢進是都市人常見的慢性疾病，輕則會影響情緒及外觀，重則可導致心臟衰竭及心律不正。「連呼吸都會肥」，原本是一句女生閒話自嘲的句子，在當年只有25歲的Angela身上，卻是無盡折磨及絕望的始源。

情緒低落壓力大 健康每下愈況
Angela形容自己4年前的生活並不如意，與前男友關係及主要為名牌時裝品牌舉辦活動的工作開始碰壁，令她的情緒長期低落。當時Angela的工作非常忙碌，工作至凌晨三四時是常事。「但當時依然重視收入，當時對我而言，賺錢最重要。」最終，Angela還是與前男友分手，但之後她就開始發現自己的身體出現多種毛病。

有一日，當Angela行至一條每天上班都會途徑的樓梯時，發現自己走到一半已經開始氣喘，並心跳加快，「當時我只暗忖自己是否『虧虧地』，但我沒有意識到自己生病了。」

漸漸Angela亦開始聽到越來越多同事跟她說同樣的話：「你做咩肥咗嘅？」「你點解樣衰咗咁多嘅？」起初她以為是自己胖了，就開始比以前做得更多運動，例如跑步、健身，甚至近年熱門的減肥運動——HIIT高強度間竭性訓練。但每次Angela做高強度運動時，心跳都異常地快，「快得整個人都感到不適」。

頸部現浮腫 確診甲狀腺亢進
Angela慢慢發現自己身體更加浮腫起來，伴隨着同事及朋友日復日的關心與批評，她開始分不清是自己胖了，還是自己太在意別人看法而造成的假像，「有啲大話你講一百次都以為係真啦，何況每日都有人係咁重覆話你肥、話你腫」。

在半年後，Angela的朋友發現她的頸部開始浮腫，在朋友的勸告下，她終於看了第一次內分泌專科醫生，她當時已經確診甲狀腺亢進。然而，由於Angela曾有藥物敏感，所以她最初選擇了接受一年的中醫治療。但Angela的病情並沒有好轉，「後來發現自己的眼都開始凸出，那時就知道自己真的要再看西醫了」。一年後，她的甲狀腺指數如三碘甲狀腺素（T3）及四碘甲狀腺素 （T4）都過高。她的T3指數比正常人的1.88至3.88mmol/l高至30mmol/l，T4比正常人的0.7至1.8mmol/l高至4mmol/l。「當時醫生跟我說，如果我再不食藥，心臟就會負荷不到，就會死。」

荷爾蒙過盛致新陳代謝加快 成心跳加速症狀
內分泌專科醫生丁昭慧指，甲亢患者會因為荷爾蒙過盛而導致新陳代謝加快，一般病人會有心跳過快、脾氣暴躁、消瘦、水腫、食慾暴增、大便頻密等問題。若病人有眼球凸出的症狀，已算是較嚴重，必要時可能要以進行手術治療。

丁昭慧指，現階段醫學界未知道甲亢的明確成因，但有研究指壓力有可能誘發甲亢。甲亢患者年齡層廣，由20到60歲以上不等，而女患者人數比男性多約四分一。

甲亢主要分兩種，分別是免疫能力異常而造成抗體，刺激甲狀腺而造成過多甲狀腺素的格雷氏病 （Graves’ Disease），較年輕患者是這種原因誘發甲亢；另一種是甲狀腺結節，較年長的患者，尤其患有俗稱「大頸泡」的甲狀腺脹大也會誘發甲亢。

藥物可控制 手術可根治
Angela現在每天所吃一顆的甲狀腺藥物，是其中一個可以控制甲狀腺亢進的方法，但每人的身體狀態不一，故每位患者都要經歷試藥的階段。「一開始我需要一天食15粒藥，後來才慢慢減少」。

除了藥物控制外，病人也可在醫生建議下飲碘水，根據世衞所指，有研究指明碘鹽可以減少甲狀腺體積，減輕甲亢病情。醫生也可以手術切除部份或全部甲狀腺以根治問題。

甲亢女患者有可能因為荷爾蒙分泌而影響經期，丁昭慧指，經期不準確的確會令女患者較難懷孕，而女患者流產風險也會相應增加。Angela則指自己原本也希望生育，「當時聽到當然會感到不開心，但最重要還是男朋友的支持和理解」。

減肥無助甲亢肥腫症狀
確診甲亢之前，Angela最在意自己在外觀上的變化。她形容當時的處境的確令自己感到很無助，「如果我真的胖了，至少我還可以去減肥」，當時Angela嘗試過控制飲食、戒酒及做運動，但身體都依然不停發脹，「但我當時都不知道原因為何，這才是我絕望的原因」。被問到會否期望自己食藥後，外觀會回復到原因的狀態，Angela表示「不敢想」，「有些人能夠回復原本的模樣，但我現在眼部還是有點凸出，有時看到還是會覺得有點點不高興」。

患甲亢喚醒健康生活模式
不過Angela指，她並不會抱怨自己患有這個病，「這個病令我更加正面」。甲亢讓她放棄了原本作息不定時的工作，當上瑜伽老師，令整個生活節奏都慢下來，她在考瑜伽老師牌的課程，學會調節自己的呼吸，在情緒波動時，一呼，一吸，就是令她放鬆的節奏。

現在Angela的甲狀腺素亦已經回落到正常水平。相對以前的生活，Angela形容現時的工作雖然都忙碌，每天都要游走三區教授瑜伽，但她形容現在的生活是「忙得有意義」，她亦開始享受現時結合運動與職業的健康生活。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#甲亢 #甲狀腺亢進 #肥腫難分 #瑜伽 #減肥
#果籽 #StayHome #WithMe #跟我一樣 #宅在家

返工唔可怕，最怕跟錯人

唔知睇緊呢條片嘅你喺人生咩階段呢？
喺2019年10月23號我辭咗人生第一份全職工作
點解我咁specific要將年月日講晒出嚟呢？因為當我決定咗辭職之後，我先發覺原來我同男朋友嘅拍拖紀念日都忘記左。初初只係同佢傾好一定要食返餐好嘅來慶祝一下。諗翻起嗰日一夠鐘離開嗰個地方，我就即刻放下心頭大石，成個人放鬆曬。

個度啲人
一係自大
一係自戀狂
一係唔刷牙又打botox （臭撚到）
大佬
我又唔係自戀狂
又冇精神病
有冇打botox

唉 我太正常啦，
唔怪得知做咗幾年都唔啱傾

人生真係美好啊！

為咗呢份工我放棄自己既興趣，理想
我由一個怕怕醜醜，唔識同陌生人開口對話嘅女仔，變成踏入完全唔再掂畫畫嘅服務性行業！

打完呢份工我簡直就係對人性，人事變動呢啲野大開眼界！原來我可以唔開心到咁，嬲到咁重要嘅嘢都唔記得。我唔知道自己係呢個頻道仲有幾多個會繼續睇我嘅片，但係呢一排我就好有感而發去將我呢兩年零10個月嘅打工仔生涯分享出嚟喇～可能你會覺得唔係真嘅，邊有咁痴撚線嘅人啊，之類之類。唔緊要呀，你咪當我創造力好，想像力好囉～好快有片睇！bye！

相對理論 - 香港未來會更好，why? 《A True Story - 女兒給爸媽的信》

錄影日期: 2019年9月30日(星期一) 5:45pm at 觀塘海濱長廊

Dear 爸爸媽媽，

自從我去咗美國讀大學之後，好耐都冇寫信畀你。 唔好意思，我一路都無時間。 依家我希望 bring you up to date 我嘅情況， 但希望你哋讀呢封信之前搵個地方坐低。 唔好再讀落去，除非你真係平心靜氣坐低咗，ok?

Well, then... 我而家喺道生活唔錯。 我啱啱嚟到大學宿舍嘅時候，其實我個dorm(宿舍) 火燭，我從窗口跳咗落街撞親個頭， 雖然頭骨有少少碎裂， 而家已經好番好多。 我瞓咗醫院兩個禮拜，而家睇嘢已經無咁矇，同埋頭痛少咗好多，每日都只係痛一兩次。 好彩係對面油站返工個工人入，見到我個dorm 火燭同跳落樓， 佢好快就報咗警同埋call咗白車。 佢之後仲成日去醫院探我。因為我個dorm 燒咗，出咗院後我冇地方住，佢就畀我住喺佢屋企。Well，雖然只係個 basement 地庫，但都好幾有趣。

佢係個好好嘅男仔，我鍾意咗佢，我哋都打算就嚟結婚。 但確實日子仲未定，但希望趕得切喺我的個肚大之前舉行婚禮。

YES! 爸爸媽媽，我有咗。 我知你哋成日都好想做爺爺嫲嫲， 我知道你哋一定會好似愛我咁，一樣愛呢個孫， 陪佢玩同照顧佢。 結婚嗰度遲咗少少，因為我個男朋友佢染咗啲病菌， 所以有啲婚前抽血檢查我哋未做得住， 我都唔小心喺佢身上染到嗰啲病菌。

我嘅 update 講完啦。但想同你講其實..... 我個dorm 無火燭， 我無撞親個頭，無頭骨碎裂，我都冇瞓到醫院， 我無大肚，我無訂婚， 我無染病，個男朋友都唔存在。但我嗰科 American History 攞咗 D ，同埋Chemistry 攞咗 F . 我只係想你從一個適當嘅角度，睇我以上嘅成績。

Your loving daughter, Sharon

It's a true story. 係1960年代美國流傳真實嘅一封信，我翻譯咗中文版。琴日我先同我女讀完呢封信，佢都鬆咗口氣。但諗真啲，雖然Sharon 嘅Chemistry唔合格，佢嘅Psychology心理學一定攞A.

呢封信帶出咩道理?

所有事情都係相對嘅。根據 Arizona State University 著名心理學教授 Robert Cialdini ，呢個叫 《Contrast Principle 相對理論》。

有差才有好， 有醜才有靚，有貴才有平， 大細才有大，so on and so forth .... 佢話1977年2月， Montana State University 男生宿舍入面做咗個研究， 問咗81個男學生，問佢哋嚟緊會個女生宿舍有個位blind date, show 俾佢哋睇個女同學嘅相，問佢哋靚唔靚。一至七分。一分最醜，七分最靚。

嗰時美國好興一個TV Series 叫做 Charlies's Angels. 講三個女仔點樣由警察變成私家偵探， 幫從未露面嘅Charlie 打擊罪惡。

發現如果佢哋睇咗Charlie's Angels 之後先至去 rate 個 blind date 個女仔靚唔靚, 佢哋會rate significantly 醜樣過如果佢哋睇相之前無睇過個電視劇。未睇前rate 平均有4.0分，睇咗後rate 平均只有3.43分。

做生意同樣道理。 睇樓盤，唔好下下諗住"一擊即中"。應該係睇咗兩三個差嘅，先至再sell個客你心水想中嗰個。 「醜、更醜、靚、醜」，最好嘅擺第三，最後跟返個又係醜嘅，咁個客先至更加絕望，更加珍惜第三個。講價都講少啲， 俾佣都疏爽啲。

賣車嘅，等人客決定買架車喇，先至再sell佢呢個option 嗰個option, 咁就分分鐘由八十萬基本車，變成過百萬先出到門口。 用平啲嘅價錢，吸咗個客入嚟先，再加options.... 我相信你都做中唔少招。 因為幾千/幾萬嘅options，比起成百萬嘅車，顯得好平。加下加下唔覺。

咁你依家明點解我賣舖啦， 每間舖喐襯幾千萬， 所有其他嘢都顯得平。

《Contrast Principle 相對理論》。我唔想講政治。香港依家係好亂，但我相信希望日後回復太平嘅時候，大家會更加珍惜未來嘅香港.... 跳上去前要屈一屈，未來嘅香港會更好。

#女兒給爸媽的信，#相對理論，#未來香港會更好

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw