【終於睇到《攻殼機動隊1995》】
多得Cinefan終於喺大銀幕睇得到－－但其實爆到好似撲演唱會飛咁，要加場先買到飛。
睇過《攻殼機動隊2：無邪》同真人版《攻殼機動隊》，但最原祖呢套動畫版真係第一次睇。戲入面講嘅嘢，軀殼同靈魂之間嘅關係，今時今日睇未必好震撼，但你諗返呢個概念漫畫版係1989年出、電影版係1995年，當時仲未有咁完善網路世界，仲係講緊「Windows 95」，應該唔係人人知咩叫做「上網」，佢建構到咁強咁前衛世界觀，代入返果個年頭確係好勁。
當然，今時今日睇返，直頭好似《22世紀殺人網絡》動畫版，唔止個數字片頭概念有借鏡，故事理念甚至動作場面都有所借鏡。
畫功即使係廿幾年前作品，以2D平面敘事都一樣好考究，尤其當中嘅香港景，拎咗香港最有特色風貌再加以創作，無論係回歸前隨處可見嘅大型墟市，定係水上電車都好細膩；好多唔同科技，今時今日都成真咗，例如Google Map同GPS。
對比起真人版嘅《攻殼機動隊》著重於「解謎」、搵自己身份，同埋最不解之謎點解北野武用日文，可以同Scarlett Johansson用英文直接對話，動畫版冇咁多打鬥場面、對白都極多，節奏都唔算明快，但就幾有哲學意味，幾場關於「人體」同「靈魂」之間嘅矛盾爭論，睇時幾有戲味。
真人版《攻殼機動隊》喺銅鑼灣一戰無啦啦後面有棵大樹，唔知乜嚟，原來動畫版講緊嘅係生命樹，意義遠勝於就咁一棵樹做動作場面配襯。但係，Scarlett Johansson版嘅真正結局並唔係《攻殼機動隊》，而係《LUCY：超能殺姬》，同呢套結局一脈相承，網路世界那麼大，I am everywhere🤣
利申，純粹當一套「爽片」睇，個人覺得2017年真人版《攻殼機動隊》又未至於差到咁。果套觀後感全文可看留言。
🎬🎞第6屆「晞。觀影記事」讀者電影投選現已接受提名，請即揀出你2019年最愛兼最爛電影：http://bit.ly/2ZvhCbo
‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA
【IG請follow】www.instagram.com/travelerwithmovie
生命樹意義 在 台灣宣教中心- 善惡樹和生命樹的意義... | Facebook 的必吃
神恨惡人離開祂而單獨行動，神要人倚賴祂，神造人和救人的目的，都是要人倚賴祂。這就是生命樹的意義。創世記：2：16-17神告訴亞當說：『園中各樣樹上的果子，你可以隨意喫 ... ... <看更多>