日本冬天凍到長期單位數字，阿妹黎左幾日東京都話頂唔順😂太睇少呢到既天氣啦～😩😩上年住SHARE HOUSE日日開暖氣都覺得沾寒沾凍，見幫社長買公司野儲到D POINTS咪用來買左個HEATER（ヒーター／電気ストーブ）計落比開暖房機（だんぼうき）電費較平，就算將來返香港都可以賣返出去俾下一轉留日朋友嘛😳😳唯一唔好就係唔可以長開，同確保前後左右都唔會有野俾個HEATER燒到，所以今次我想講講暖爐呢樣野！
諗返起上次住民宿，廳就有一張合家歡暖桌（こたつ）我毫不猶豫就鑽左入去，實在太太太太太鍾意呢個發明✨🤗✨再入寢室（しんしつ）就見到成大舊疑似暖爐的東西，好奇心之下就即刻埋去開黎睇下取暖，個日氣溫都係0度左右。誰知一打開就湧來一陣（電油？）既味道，好似90年代個時既暖手器咁成手都係臭🤢🤢呢一類燒空氣既暖房器具（だんぼうきぐ）唔係個個外國人都識用，我地都猶疑左陣，研究下同跟住個指示加煲水去爐上面燒（右手銀色機）鍾意既可以霸氣煮即食麵都得😂😂
每次去完廁所返房瞓個時，個鼻都對排出來既電油熱氣好唔舒服，聞得多都唔知對身體有咩壞影響😩😩😩究竟佢地係從邊一方面選擇呢？安全性定電費？而我依家個ヒーター只係玩電腦個時開黎暖腳，瞓個時會較暖房機。一個月都要約4500-5500円電費架😅
ps：電暖毯（電気マット）或者暖水袋（湯たんぽ）都係一個唔錯既選擇，但電暖毯好多時都係made in PRC, 基於安全以上, 我去左NITORI/MUJI買左張珊瑚被床單就算，加埋羽絨都可以抵受到寒冬😳上次返香港都買左張俾我勁怕凍既老豆，連佢老人家用左都覺得即時暖笠笠！（未必啱香港天氣）
#大丈夫 #工作遊記 #珊瑚被床單 #暖房機 #HEATER #暖爐 #電油熱氣 #madeinPRC #電暖毯 #MUJI #NITORI #電油 #暖手器 #暖桌 #沾寒沾凍
