國安法來了，唔少人驚到瀨屎，說甚麼「一國一制到了」、「香港末日」了。我本來都有少少憂慮，仲諗住Google本《毛語錄》背幾句旁身，發現字字珠璣、句句精闢、發人深醒，好似「哪裡有壓迫，哪裡就有反抗！」、「人民，只有人民，才是創造世界歷史的動力」背頌金句後，頓時感到黨的偉大和溫暖，直到我見到一句：「貪污和浪費是極大的犯罪」我頃刻醒了，其實是一國一制也好處一籮籮！
大家要知道，任何工程項目，都可以衍生一條產業鏈，當然包括選舉工程。過去建制派為咗與香港各區居民建立良好關係，不惜大灑金錢推出全港知名「蛇齋餅糭」套餐，又不時搞蝕本旅行團，與居民聯誼聯誼……作為一個民選政黨，用錢搞marketing當然是必須呢！不過，一國一制下，仲使乜鬼選？「蛇齋餅糭」呢類小恩小惠，既非冇得食就死，就可免則免；旅行團？唔使啦。背後一堆供應商，每年來自建制派的穩定大額收入，自然沒有了……
另外，每次選舉，都花費大量人力物力，動員拉票、配票，聯絡大量「乜乜物物同鄉會」、「呢呢路路廠商總會聯合會」互相配合協調……即係咁，開會自不然會食飯，食飯又自不然使錢，引伸落去，協調都要成本（我講時間，因為時間就係金錢）；選舉當日，仲要call車接公公婆婆落去票站、搵咩咩研究協會做民調。單係講到呢度成本，都分分鐘係天價。假如沒有選舉，以上所有錢都可以慳返了，上述涉及的各路人馬，同鄉會、商會係就係少了budget，食少幾餐飯囉……咁咪好，食得清淡啲，人又精靈啲，身體又健康，頭髮都甩少幾條！
一國一制，議會少了嗰批反中亂港份子，沒有拉布，冇人掟屎，立法會衞生又高效，全部議案秒速一致通過，然後大家就可以仿效人大會議，由左至右整齊排列好，一齊「啪啪啪」拍手慶祝。反正得一把聲音，從此不用花費去搞公關工程去做lobbying，建制派的開支自然大幅削減，基本上係可以cut得就cut。
外間少了搞亂香港的反對聲音，就更加唔使請公司去搵「五毛」；又唔使派人去跟蹤一堆禍港頭目；連最勤力讀報的前特首689，都唔使課金訂閱每日mon廣告！天啊！只要一國一制，貫徹落實執行，以上開支一筆慳，在「斷捨離」潮流下，反動勢力衍生的龐大產業鏈一次過瓦解，真的很治癒呢！
毛主席曾號召大家「節省每一個銅板為著戰爭和革命事業」，在一國一制的偉大願景下，一次過炒晒班既得利益集團，在創立和建設新香港的偉大歷程中，中國人民在中國共產黨領導下，譜寫中國香港歷史上最壯麗的篇章。
by愛黨愛國千頌C@堆填區
物力動員 在 物力動員 的必吃
漢光39號演習首日，陸軍通信電子資訊訓練中心昨（24）日執行同心第33號演習及自強39號演習，由新竹作戰分區指揮官陳少將視導教召報到作業及物力動員實況，並指導防疫 、 ... ... <看更多>