[ 念念碎系列🔮 ]
我覺得我比較幸運 身邊大部份嘅朋友都係正能量滿滿的～☺️
但係間唔中都會出現一啲負能量極高嘅人
好多時傾多兩句計對方就會開始同我呻...
我都會好似阿媽咁「而而um um」😛
不過負能量太多真係會令人嚇走呢😅
其實每個人都會有負面嘅情緒
只係多與少嘅分別
如果長期抱怨而且負能量極高嘅人
通常佢哋好似牛皮燈籠咁點極都唔明😅
其實道理講嚟講去都係嗰三幅屁🙈
(我就嚟要自創一部"南嘸機"比佢哋一情緒到就拎出嚟聽😂)
如果抱怨別人 首先應問問自己有冇做好自己本分
人好得意嘅～除非有人願意話俾佢聽佢有咩問題
否則佢哋永遠唔會反省亦唔知道自己有咩過錯...
所以最令人嚇怕嘅榜首係長期處於黑暗之中而仲要覺得"自己冇問題"嘅人
通常呢類人只會一味責怪別人 永遠覺得錯嘅唔係自己
從來唔會學識用美好嘅角度去睇事情
永遠要爭贏唔要輸
抱怨別人/事情唔跟佢大腦想像發展
單身嘅就覺得自己點解一直都冇伴侶
有伴侶嘅一嗌交就覺得對方對自己唔好唔愛佢
身體有毛病唔去睇醫生 怪責點解身體咁唔健康但係唔願做運動
害怕寂寞 驚一個人獨處
有啲知道自己有問題但係唔諗辦法解決 要所有人遷就佢一個...
其實講到尾... 有冇諗過所有事都係因自己而起？
幾個月前睇咗一本書... 全本內容就唔記得啦😂🙈
但係其中一句好有深刻印象：
「所有情緒/思想/事情發展都是因自己而起」
套用返啱啱列出嘅問題 真係基本上所有都係關乎自己嘅問題...
另外一樣 就係關乎自信問題
覺得自己唔靚 然後瘋狂去整容整形 (雖然我都明女人係貪靚嘅...😆 但適量嘅運動都好緊要！)
男女關係中所有嘢以對方做核心 無論對方錯與對都遷就
擔心對方變心 又或者係俾人搶走 (咁容易走就唔好要啦😛)
覺得一段關係裏面冇安全感 (安全感永遠係自己俾自己嘅😌)
認為人哋比佢叻唔抵得 有"威脅性" (各有各專長...咁咪增值自己囉😅)
又或者係"覺得"人哋講自己壞話 (可能係自己幻想出嚟😩)
.........真係100個黑人問號...😅
我認為首先真係要學識做自己&做好自己
做自己同做好自己係一樣 都係以自己為先💜
唔係鼓勵大家自私去面對所有事情
而係面對所有困難嘅時候都唔好熄滅自己嘅自信
繼續勇敢跟着自己步伐一步一步行前
下次先分享下關於提升自信嘅課題吧👼🏻
