《南丫島漁民文化村》親子一日遊
以前去索罟灣都係行山， 但依家開左新景點， 將以前漁民的生活展現出黎， 仲有多個小遊戲玩， 非常推介呀👍🏻
呢個漁民文化村其實係一個魚排，要係碼頭坐船仔去（門票包埋）淨係呢種船仔都好好玩， 好似係芭提雅坐船去沙灘咁正。 😌
魚排要係網上預約門票， 大人門票 80蚊， 小朋友門票連3個小遊戲就88蚊 （佢仲有多個不同package 架）
當日星期六下午黎， 竟然唔太多人， 成個場我地玩哂咁濟。 雖然太陽曬，但有陣陣海風， 都好舒服呀。
呢度既小遊戲都好好玩（出面無得玩啦）
👉🏻用小魚喂大魚（超大條龍躉😱）
👉🏻無鈎釣魚（用條大竹綁住成條魚，一落去 成堆魚撲上黎， 好鬼驚心動魄😹）
👉🏻畫貝殼畫 ， 畫完可以綁係文化村度成為文化村既一部份
玩完遊戲，仲可以上艘真既漁船，參觀下以前漁民既起居生活， 仲有漁民的艇家話介紹， 好搞笑架。
有3個貨櫃，應該係展示漁民歷史同用具， 不過當日仲未整好，見有幾個女仔為漁村畫緊畫， 好靚，用黎打卡一流。
呢個文化村有教育意義又可以離遠市區，親親大自然， 仲可以學下以前既香港歷史， 係一個非常好既親子好去處
太多相啦， 慢慢睇👇🏻👇🏻👇🏻👇🏻
訂票網址：
http://lammafisherfolks.com.hk/tc/
#親子遊 #漁民文化村 #親子好去處 #親子遊 #艇家 #漁民 #舊香港 #南丫島一日遊 #索罟灣
無鈎釣魚 在 南丫島- 魚民文化村~ 無鈎釣魚! - YouTube 的必吃
南丫島- 魚民文化村~ 無鈎釣魚! ... Lamma Island Fishing! Show less Show more ... ... <看更多>