睇到好尷尬
屈服响港媽嘅壓力同梁朝偉嘅魅力之下，過咗嘅周末終於睇咗《尚氣》。梁朝偉嘅演技同魅力，直情無得拗，唔洗亦無可能質疑。
但係，唔知有無人好似我呢個中坑咁，特別身在外國，一路睇一路覺得好尷尬？
入場前，我提醒自己要拋開「主角個樣」或者「西人眼中嘅中國文化」呢類成見去睇套戲，盡量減低抗拒，去睇下所謂第一套以華人文化做主導嘅Marvel大片，因為好話唔好聽都算係近年華人突破黎嘅。老老實實，黑人音樂同電影晨早就打入國際市場主流，而近年就有韓國音樂同電影，不過遮全華人電影進入主流（英美大眾市場，仲要唔係一兩個角色嗰種）呢？最近已經係成龍，再遠啲就係李小龍。
喂，除咗演員係華裔，成套嘢係外國人望唐人街視角黎喎！嗱，作為華裔，必然係有資格有咁諗法，《黑豹》係為拍黑人市場而拍，所以全世界覺得唔好睇，只要黑人覺得掂就無問題。《尚氣》本來就係聲稱同一個模式為中國或者華裔市場，好唔好睇係後話，至少要做到令華裔唔覺得突兀。
廿一世紀仲係「中國風」配樂想點L樣？一聽到就起晒雞皮。另外，點解仍然都係周圍係燈籠或者霓虹燈，除咗唐人街之外，成個亞洲有邊度仲係四圍係燈籠同霓虹燈？除咗男女主角，點解大部份華裔角色都硬係要著涼鞋？
好喇，講武打，今年係2021年，唔係《A計劃》《醉拳》《警察故事》八九十年代，點解仲係外套又除又著扭黎扭去，再加棚架馬騮一樣？既然係咁，點解唔揾成龍做男主角啦....
Patreon原文：
不是影評，只係觀後尷尬感
https://bit.ly/3ljovrz
#以後唔好搞啦
**************************************
📢乞食廣告：文字、時間與心血有價
🥣乞兒兜：
https://www.patreon.com/goodbyehkhellouk
**************************************
無得拗 在 #無得拗 - Explore | Facebook 的必吃
當大部份人都支持與病毒共存已經可預視嘅結局。每一個冠勉堂皇嘅說辭都解決不了現實資源缺乏的事實，由一開始每個人都採取不合作不遵守防疫規例的態度，疫症就注定迅速 ... ... <看更多>