時晨朝早7點45分
睡夢中彈醒
發了個痴線的夢 值得記錄
「我發夢我做咗消防員」😂
.
.
.
係搵工app狂掃工
好似玩tinder up swipe to right 無興咁好多份
有份消防員
我抱住「試咗都唔會得」嘅心態
網上試form
點知第二日就請咗我😂😂😂
我覺得以我個格，係典型男性主義倡導嘅工業，我應該都會比人笑
但我硬住⋯頭皮，好興奮返第一日工
.
夢中第一個scene係一個室內人山人海咁多師兄，我好努力走向類似坐文職檯白衫有d章嘅人，我嘅判斷係上司，想同佢報到我係新人！第一日返工！（士氣滿滿mode)
但成村人好多師兄擋住晒，然後另一方有一張長椅，有一排女仔坐低，我嘅判斷係：「眷屬們等自己個男人收工」有一個我識嘅😂（現實生活一d都唔熟）但依我咁八嘅性格，我即刻唔去報到（？）走去同佢興高采烈分享「消防員竟然請我，我仲要只係用搵工app」哩件荒唐事😂
.
鏡頭一轉第二個scene，類似係我跟出車，落車係一個工業區，案發現場係樓上有人搶劫（？）（咩料呀我係消防喎）落車後有個上司，問我識唔識揸車，我話我冇車牌（夢中的我覺得我咩都唔識，好廢🥲）隔嚟有部搬運業嘅「唧車」，曾經做part time有接觸過，我就示範我識用哩部唧車比佢睇，然後比人笑🤣
.
再然後又～唔知做乜鬼，出現咗幾個跳舞嘅女仔friend，有一個轉咗行，但都有繼續做跳舞，話覺得而家咁好好，有另一個女仔話要做空姐，我哋就一齊興高采烈大叫：「疫症過晒之後我要考空姐！/空少！」我完全漠視我啱啱先入職消防就大叫要轉工，隔嚟有同袍會聽到，離晒譜🥲🥲
.
.
.
去到哩度就彈醒咗，
有啲失落，
失落源自於「以為從此安穩起來」🥲
夢中我係有好開心 - 返一日放兩日，yes！我仲有得做自己嘢！
（P.S - 消防業界返一日放兩日鬼都係道聽塗說～歡迎真實資料更正）
一瞓醒就logic返：
細個睇烈火雄心都要經歷八鄉學堂艱苦training啦！又點會skip訓練哩part直接入職呢！🥲
.
我一路興奮記低，
一路梳理我大概get到哩個夢的揭示，
好啦
睇到哩度多謝你睇晒我哩個「一日就入職荒唐嘅消防員之夢」😗⋯
烈火雄心 在 烈火雄心01/43 | Burning Flame王喜丶古天乐丶关咏荷丶梁琤 的必吃
共43集，陆续上载中Total 43 episodes, upload on-going ^^Fans located in Singapore: Can't wait longer for more episodes? ... <看更多>