【 年尾流流睇乜嘢之 駱振偉 Thor Lok 推介 】
聖誕流流睇啲乜之《做演藝嘅!》:http://bit.ly/2EPikYA
過去一年,到底做了多少藝人訪問?詳談的、閒談的……已數不清!然而因為工作實在太忙太癲了,很多錄音根本無暇整理,隨時要待上兩三個月甚至半年,才可以趁放假時將之變成文字。像今次這篇短訪駱振偉,是2018年1月為了配合ViuTV節目《飛不甩家毛》,結果來到2018年12月才有機會刊登 ── 看看他的鬈曲髮型就知道「歷史悠久」了 ── 「舊文」能夠重見天日,完全基於兩個原因:他說的內容有重點;適逢聖誕新年,絕對是「清劇」的「黃金檔期」,而今次「科科」推介的,不是自己有份演出的港劇,而是美劇《異類》(Atypical)。
我記得訪問時,問他最近有沒有看哪些電視節目,他說自己家中,基本上都是長開新聞台。我追問,劇集呢,有沒有?「前排睇咗一套,要『嚴重推介』,《Atypical》,你有冇睇呀?」我說我知道有這套劇,「科科」聽罷,即時興奮得拍了枱一下:「好好睇!」有幾好睇呀,我着他解釋:「睇到喊㗎我!」難道「科科」你是……「我冇,係因為以前同我同屋主呢,佢有少少,類似咁樣嘅自閉症,喺香港嘅,咁我同佢住咗5、6年,但佢冇咁嚴重嘅,唔係去到(劇集)嗰個程度,但佢有好多……簡單嚟講,係會有啲Introvert(性格內向),好唔識表達自己,但係好聰明,講嘢好直,咁會好得罪到人,一個咁樣嘅人,我同佢相處5、6年,所以我睇呢套嘢嘅時候,就更加多感受,然後我覺得Netflix拍呢個題材拍得好好,選角好勁,演戲Wise太好喇。」
「科科」說的,是指《Atypical》的男主角Keir Gilchrist,他在劇中飾演自少患有自閉症的18歲少年Sam Gardner,一直在母親Elsa (Jennifer Jason Leigh飾)過份保護下成長,父親Dough (Michael Rapaport 飾)不太懂跟兒子溝通,而妹妹Casey(Brigette Lundy-Paine飾)則一直擔當守護者角色。在Sam決心踏上尋找愛情及如何學習獨立之路的旅程上(他第一季,第一集已跟輔導員說自己想找女朋友!),家人不經意也同時獲得許多新的體會及思考「何為正常」。結果原本只是一位少年單純的成長爭扎故事,卻漸漸地由這個家庭開始,產生微妙卻窩心的變化。
我身邊沒有自閉症(Autism Spectrum Disorder)的朋友,但透過觀看《Atypical》(以及之前看電影《黃金花》)之後,的確對於這種患者及其家人面對的難處和困境有更深認識,編劇團隊花了不少篇幅向觀眾說明,到底自閉症患者會有哪些行為和思想特質:行為重覆、患有社會障礙、對事物的專注度極高(如男主角Sam非常熱愛研究企鵝)、待在又吵又陌生的環境會覺得辛苦,會無法思考,亦有些「個別」例子,未必每個患者皆有,在外人眼中或會覺得很古怪,比如Sam不喜歡椅背緊貼身體的感覺、會用一個頻率用橡筋轉動鉛筆(他自稱為「自我刺激行為」My Self-Stimulatory Behaviour)、有時候對於一些特定辭彙(如Twat ─ 賤婦)會不停在腦中重覆出現,又或者:「當我還小的時候,每次覺得沮喪或緊張,我會打或者撞我的頭,或者大叫,現在就會圍着睡床走。」
看了兩集,赫然發現,我對這個病一無所知,「科科」亦這樣說,覺得對於朋友日常生活面對的問題,他有更深了解。「有呀,我咪即刻叫佢睇,佢睇完之後咪話:『嗯~呢個係我嚟嘅!』」繼而是反思。「即係好多時候,你睇一樣嘢,點解你會覺得Connected呢?係因為你覺得你生命中有經歷過呢樣嘢嘛嘛,或者帶畀你Fantasy,即係佢將你帶咗去另一個空間,去體驗嗰樣嘢,咁我睇《Atypical》嘅時候,我親身體會到我朋友嗰個痛苦!」我追問,是怎樣的痛苦呢?他續說:「咪即係一個好Introvert嘅人,喺呢個社會入面生存嘅痛苦,因為大部份人可能講嘢好……偏向圓滑啲啦,尤其係中國人社會,因為外國人社會係比較Individualism,即係好獨立,你同我講嘢好唔同都得㗎。」駱振偉直接用《Atypical》一劇作例,他說自己覺得好睇,若然其他人覺得很難睇:「so what?It’s okay!」
我聽駱振偉這樣說,當堂笑了一下,因為我很明白,香港地,很多人都只求「拗贏人哋」,而不是「各自表述」,「即係如果我講:『好難睇囉!』你就會Take it serious,『吓?你覺得難睇,唔係吓嘛?你白痴㗎?你明唔明呀!」我意思係,嗰個Discussion好短架,但外國唔係咁,你可以講點解你覺得好,我可以講畀你聽,點解我覺得好睇,而大家係完全唔存在需要有共識,講完就算。」
「科科」的意思是,「唔啱Channel」就是「唔啱Channel」,沒有必要完全認同對方,「點解一定要搵番啱Channel嘅人去講嘢呢?我唔明嘅,即係啱Channel,使乜講啫?一樣㗎啦,我都知你諗乜啦吓嘛,最多可能你欣賞嘅嘢有少少唔同,但都係同一個方向,咁咪好悶囉,但係點解唔可以你鍾意呢個方向,我唔鍾意喺呢度,咁可能會得出嚟喺呢度,即係『A+B=C』啫,Really Simple Equation,但喺香港好難做到囉。」難怪「科科」跟丹麥女友Katrine那麼投契吧,他大笑認同:「因為佢係外國人嘛,所以有好多嘢,我同佢諗法都好唔同,但係我哋相處到,因為我都唔會理佢點諗,哈哈哈!」《Atypical》足兩季,現已全數在Netflix上架。
《Atypical》第二季預告:http://bit.ly/2Q5mFcb
(28122018)
#游大東 #游大東影視筆記 #美劇 有台channel D 歐美劇評節目 - American Sun 美劇癮 歐美娛樂 網台評論節目 美劇狂人 TV Drama Queen 快樂的 ViuTV Thor Lok Netflix Atypical #異類 #電視框外 #游大東電視框外
「游大東電視框外」的推薦目錄:
- 關於游大東電視框外 在 游大東【鴻鵠志-影視筆記】 Facebook 的最讚貼文
- 關於游大東電視框外 在 唐詩詠 Natalie tong Facebook 的最佳解答
- 關於游大東電視框外 在 游大東影視筆記- 【 電視框外#4/衝三小小Q&A第一集】 《衝 ... 的評價
- 關於游大東電視框外 在 珠光寶氣劇本2023-在Facebook/IG/Youtube上的焦點新聞和 ... 的評價
- 關於游大東電視框外 在 珠光寶氣劇本2023-在Facebook/IG/Youtube上的焦點新聞和 ... 的評價
- 關於游大東電視框外 在 游大東X阿感《超強日劇《Brush Up Life》「Chill Club頒獎禮 ... 的評價
游大東電視框外 在 唐詩詠 Natalie tong Facebook 的最佳解答
人生就是充滿無限可能
因為一位朋友send 大東的page給我看
因為一個留言,令我們展開對話
從而做了這個訪問
對話過程中,感受到你對戲劇的興趣和認識
感受到對演員的尊重
謝謝你 游大東
【 電視框外/游大東真係專訪唐詩詠 】
【 唐詩詠跟法國戲劇大師Philippe Gaulier學演戲 】
《撒嬌》唐詩詠好戲度急升:http://bit.ly/2qXWyZo
「電視框外」正式登場,打頭炮的是唐詩詠(Natalie),能夠有幸與「女神」聊天,使我受寵若驚,更重要一點,透過這次隔空對談,發現她是個非常認真、坦誠、有禮貌的人,跟多年來從娛樂新聞報道得到有關她的印象相距甚大,印象極之深刻,好感度激增,在此先感謝她撥冗和我聊天,事後得到她的同意,將對答整理成為文字版本,於這裏刊登。
唐詩詠在無綫首齣4K全實景劇集《不懂撒嬌的女人》飾演宣萱(凌敏)堂妹凌禹勤(Cherry),演技令人眼前一亮,看了頭幾集數場戲,經已察覺到在電視畫面出現的,是我從來沒在其他無綫劇集中見識過的唐詩詠,無論表情、眼神,甚至舉止,自然得來,惹人憐愛,加上她與王浩信這對情侶在戲中佔極重戲份,前者扮演Saving演得夠放,反過來帶動前者飾演Cherry時更加入戲,更加順眼,前所未見,仿如有高人為她打通任督二脈,釋放潛能,演技終於大躍進。真有此事嗎?Natalie對此直認不諱:「今次我嘗試用一個新嘅演繹方法!」聽罷更感好奇,誰人能夠令她開竅?由她親自向各位分享吧。
******************
Q1:今次拍呢套劇,辛苦嗎?
答:好辛苦,時間比以往長很多,我哋亦都要習慣新的拍攝方式。而且今次我嘗試用一個新嘅演繹方法,不過大家可能未必會感覺到。
******************
Q2:拍攝時間長好多,係因為要遷就實景?我都知道,如果係實景,每次轉換拍攝角度,鏡頭擺位、燈光都要郁過晒,而拍4K又要用新器材……
答:對吖,所以今次係一個新嘗試,咁如果出嚟反應唔好,以後就未必可以再用呢個新嘅拍攝方式。
******************
Q3:你剛才講到,你今次用咗新嘅演繹方法,可以講吓係咩呢?我諗好多讀者都想知,咁樣對佢地了解你的演譯時會更加理解。
答:你覺得我今次有一個很大嘅進步,很大程度,我覺得係因為我嘅戲劇老師甄詠蓓,佢幫我釋放咗一啲嘢出嚟。係學習嘅過程中,佢亦都令到我明白自己內心一啲好美好嘅嘢,可能以前我覺得係一啲缺點,而佢會話畀我聽,係一啲好靚嘅嘢,同一時間亦都畀咗一啲信心我。
我其實唔係好識去講,點樣為之係一個新嘅演繹方法,好似講到好抽象咁。可能我跟咗老師上堂,喺果過程入面,我諗我自己係有一啲得着,佢令到我好多嘅觸覺都變得好敏銳,所以我今次拍攝《不懂撒嬌的女人》嘅時候係特別攰,係因為我好Sensitive,因為我好feel到每一個人喺度做緊啲乜嘢,我好容易會感受得到。
今次好多時候大家都會去設計一個角色,我不嬲都無去做呢一件事,可能係因為無任何戲劇嘅基礎啦,我都係一個一路做戲,一路去學,呢十幾年來,我一直都係咁樣,我又冇上過堂,咁所以變左每一套劇我都係上緊堂咁樣,之前自己又唔係好夠叻啦,如果用呢一個方法,可能好多時候未必可以好表達到嗰件事,宜家大個咗,經歷多咗,加上老師就幫我,所以就會有唔同。
******************
Q4:甄詠蓓點樣去令你「開竅」?有冇例子? 你自己覺得同之前比較,你有咩唔同?
答:佢又未必係用「開竅」呢個字。
我跟佢學戲之前,我去咗佢嘅老師Philippe Gaulier度上堂(Philippe Gaulier是詹瑞文的師傅),上咗一個好短暫嘅課程,咁佢地都係堅持住一樣嘢就係,每一個人都係好Beautiful嘅,就係你要點樣去搵到你嘅Beautiful呢?我諗佢哋令我睇嘢嘅觀點有啲唔同,上堂嘅時候,佢哋透過好多唔同嘅練習,將我變番一個最簡單、最冇嘢諗,好似一個小朋友咁樣,我唔知你有冇聽過,啲人成日都話小朋友做戲其實係最叻嘅,因為佢哋好簡單,你畀啲咩野佢呢,佢地會即刻接收咗,會畀一個反應你。我哋大人呢,就複雜好多喇,佢地中間嘅過程會諗太多嘢,然而已經忘記咗個初衷,咁我透過呢啲練習,好似搵番我自己咁樣,再一次去了解我自己,邊啲嘢令到我好開心,邊啲野會令我好憤怒,我聽見啲乜嘢會有啲乜嘢反應呢?
******************
Q5:點解會開始跟甄詠蓓老師學演戲?
答:其實係因為那時候咁啱放假,然後就有個機會,可以去馬來西亞去跟Philippe Gaulier上堂,佢每年暑假,有四、五個月呢會離開法國,去其他地方上堂嘅,咁我果陣時就係去馬來西亞,係一個好短期,一個禮拜嘅課程,咁啱嗰陣時,Olivia(甄詠蓓洋名)就去咗探望呢位老師,那時候林嘉欣也在場,咁我就同佢地傾咗一啲偈,好簡單既對話,有一種好…嗯…佢好似睇到我一啲野咁樣囉,然後因為果堂課實在太深奧喇,所以令到我一直都有一個……覺得好似打唔開個結,因為我又冇辦法即刻去法國上堂啦,返到黎之後,就去了跟Olivia上堂。
******************
Q6:你仲會想飛去法國跟Philippe Gaulier上堂?
答:上次返到香港之後,我已經好想即刻跟佢去法國上堂,但係因為未有呢個機會,但呢個會係一個我好想完成嘅一件事,因為佢真係很厲害,有一雙能穿透別人內心嘅眼睛,對我嚟講,呢次係一個奇妙旅程。
******************
Q7:雖然你覺得演《不懂撒嬌》好攰,但呢套劇算唔算係你從影十幾年來你自己暫時最滿意的作品呢?
答:都係我最滿意嘅作品,我滿意嘅係因為整個團隊囉,所有幕後嘅人,化妝、髮型、服裝、編劇、編審,Camera man、導演,所有人嘅心態,大家都係為住同一件事去努力,大家嘅嗰團火,係令我覺得拍呢套劇時候就算好攰,都仍然會好想去做嘅一件事。
******************
【 基本資料 】
法國戲劇大師、表演大師Philippe Gaulier:1943年在巴黎出世,1967年於法國知名演藝學府L'École Internationale de Théâtre Jacques Lecoq畢業,1971至1980年間曾在母校執教鞭十年,1980年成立自己的國際戲劇學校,每年有來自世界各地的學生就讀。
Philippe Gaulier以嚴厲教學見稱,但也同時以獨特的幽默感,讓學生不斷在挫敗中,繼續帶著勇氣站在台上,積極嘗試,尋找自己的方式,找到創作表演的愉悅,顯現演員真正的美麗,找到表演的自由。
其學生遍及世界,詹瑞文外,還包括香港電影金像影帝黃秋生、奧斯卡最佳女主角愛瑪湯遜(Emma Thompson),《魔街理髮師》女主角海倫娜寶咸卡特(Helena Bonham Carter)。
資料來源:verachc.blogspot.hk、蘋果日報
(09052017)
#不懂撒嬌的女人 唐詩詠 Natalie tong Olivia 甄詠蓓 #演技 #PhilippeGaulier #電視框外 #專訪時間
游大東電視框外 在 珠光寶氣劇本2023-在Facebook/IG/Youtube上的焦點新聞和 ... 的必吃
【 電視框外/專訪《大叔的愛》監製貴島彩理】 【 《大叔的愛》配音版今晚21:30 99台ViuTV首播】 ... app-facebook. 游大東【鴻鵠志-影視筆記】. ... <看更多>
游大東電視框外 在 珠光寶氣劇本2023-在Facebook/IG/Youtube上的焦點新聞和 ... 的必吃
【 電視框外/專訪《大叔的愛》監製貴島彩理】 【 《大叔的愛》配音版今晚21:30 99台ViuTV首播】 ... app-facebook. 游大東【鴻鵠志-影視筆記】. ... <看更多>
游大東電視框外 在 游大東影視筆記- 【 電視框外#4/衝三小小Q&A第一集】 《衝 ... 的必吃
電視框外 #4/衝三小小Q&A第一集】 《衝三小喪玩星馬泰》23:15 ViuTV 首播!!! 《衝三小》扮《綠豆》:http://bit.ly/2A6OD04 剛才大東阿媽喺房行出嚟問我:「今晚有 ... ... <看更多>