繼續無聊雜碎小分享，碎上：
1:好多工作上嘅新計劃努力籌備中，忙但就好感恩好享受🌈🙇🏻🙏❤️以前可能會有好有多顧慮擔憂，但經過呢幾年，學識唔去擔憂太多未來嘅事，只要覺得當下真心想咁做，幫到人又幫到自己，就唔好再諗，做！做完再諗🤡🤡🤡
2:學黎明話齋，唔需要諗究竟應該用咩方法解決問題，到你解決咗，你就自然知道自己用咗咩方法架啦😂
3:呢排多咗人冇頭冇尾PM問我響邊度學風水同紫微斗數。唔通我上年生無可戀想死果陣碌落山崖大難不死執到本絕世秘笈呢啲真嘢又隨便話你聽咩😂😂😂所以任何人再問，我一律答：工聯會學嘅😂😂😂懷才不遇自救班😆😆多謝大家🙇🏻🙇🏻🙇🏻😂😂😂
4:🦊Aki慢慢康復中，多謝大家關心。要佢唔郁唔跳唔跑減肥節食慘過攞佢條命，不過毛孩年紀大咗就有各種慢性病，都只能接受時光這個壞人，提醒自己珍惜當下。尤其最近接二連三聽到唔少以前同Aki 一齊放狗玩開嘅毛孩逐一老去患重病甚至離開嘅消息，更感人生唏噓無奈😔
5:唔覺意做咗線上白姐姐，好多禪意班寫作班紫微班嘅學生除咗分享佢哋上堂嘅經歷感受，溫書時有嘢唔明嚟問之外，生活上遇到各種衝擊煩惱都會嚟向我求解答求安慰。幫到我當然願意幫，有時簡單一句說話一聲鼓勵都可以令到一個人浮返上水面唔再沉落去，不過有少部分人走埋嚟其實係想Chok 到自己內心預設想聽到嘅果句答案，如果事實根本唔係咁，就會旁敲側擊不斷問不斷𦧲🤦🏽🤦🏽🤦🏽直到佢哋得到想要嘅自欺答覆為止🤢🤢🤢其實佢哋直接行入黃大仙拎起個簽筒直接揀支上上簽拎走會唔會快啲呢？我又唔係簽筒😂😂😂你點chok我都係唔會講你想聽果句大話咕喎😌
6:助手話呢幾日都仲有唔少人填咗表想報紫微體驗班（！）問我係咪應該認真考慮吓要照顧吓呢班咁熱心咁想學嘅朋友仔🤯首先真心多謝大家嘅踴躍支持，嚟緊禮拜尾就會正式公布6月紫微斗數體驗班嘅詳情，暫定係6月嘅每個星期五晚同星期六，想參加嘅朋友記住星期五中午捕住呢度啦，今次都報唔到就真係唔知幾時幫到大家啦，因為嚟緊紫微斗數正式初班同進階班就要密鑼緊鼓咁起動，未必抽到咁多時間再開體驗班啦，謝謝大家🙇🏻🙇🏻🙏🙏🌈❤️
7:諗起有啲朋友同我講話原本想報架，不過見你之前寫話滿咗就冇填表啦🤢但有啲都會唔理照填，最後因為有學生要調時間，順利由後補變咗成功上到堂🤯🤯🤯有時真係有理冇理擺低一蚊跟咗機先，肯試就五十五十，試都唔試機會就係零，呢方面都睇到唔同人嘅性格，任何時候都係學到嘢嘅時候🙇🏻🙇🏻🙇🏻🙏
8:尋日母親節果篇文章有好多人私下同我講多謝，話響鋪天蓋地嘅mama I love u放閃日當中，搵到少少真實嘅安慰🌈講真，你估個個老母都會買1600萬單位畀仔女錫到佢哋燶？我眼見嘅反而係母親節晨早攤大手板問仔女拎一千幾百打麻雀，或者細細個已經呃鳩晒仔女啲利是錢，話幫佢儲起讀大學結果自己洗撚晒。每個人嘅原生家庭都可能好多複雜情仇恩怨，唔慶祝唔公開做騷唔代表唔掛念唔愛，但如果真係一行近少少就會再受傷害，有啲嘢盡咗力就算，唔需要做畀人睇，外人咁多嘢講你叫佢契你老母一齊住一年，唔洗多，睇吓仲會唔會咁大愛同你講道理。針唔拮到肉唔知痛，我扯返出嚟你問我做咩唔拮返入去？咪玩啦溫室小喇叭花🤡🤡🤡
#正mean思考 #療癒系 #靈性成長 #王貽興 #MyZenMoment #selfgrowth #mindfulness #innerpeace #zen #writing #行近少少就武親節活動係咪想咁先 #渣渣有本難唸的經 #理少啲人哋家事啦關你鬼事咩 #紫微斗數 #線上白姐姐
渣渣有本難唸的經 在 [閒聊] 現實真的有女生被扁還不離不棄嗎- 看板C_Chat 的必吃