以下是Sky Sir 友好：棋亮撰文
自從2月中棄新從舊後，隔幾日就會有人問，石油股係咪好的舊經濟股。一直不買有兩個原因，第一，現時的油價是由一眾油產國托出來的，各國都有產增的能力，意味住個價去到某個位，必有背棄大聯盟之國家，為油價帶來阻力。第二，全球半封國狀態下，石油需求完全未恢復，油企收入即市可受惠價升，難免承受以年時間計的量跌，所以唔識計值博率，唔買就算。
另一個行業就是航運業，應該細分為貨運，即運送製成品的貨櫃，以及乾散貨，即原材料。於全球封關下，供需亂到死，原本一艘船從中國出發到歐洲，於東南亞國家落部份貨，再從當地加入一些製造品，一口氣帶來歐洲，然後又於當地上貨，是一個複雜的物流系統。現時先原不計清關需時，而且船期亂哂，係系統失效，令運力大減，船費飆升。下一個問題是，隨著今年各地重啟經濟，這個海上運輸系統會唔會恢復，未諗通，都唔識計值博率，所以都無買。
昨天長實（1113）又有動作，李家把基金會資產放入上市公司，並以51元回購3.33億股，完成後李家持股升至45.03%。有問後續會唔會係私有化？如果睇現時這單交易，李家一仙都唔洗出，股權就可增加約9%，低位空手增持權益，比起私有化要真金百銀，抵做得多。不過，都反映資產折讓大既公司吸引力愈來愈高，接下來的一波通脹有機會係自2015年來，最勁的一波。
棋亮執筆
（持牌人士，沒有持有1113）
