終於真係真係頂唔順，搵咗個網頁登廣告請part time 家務助理。我d英文唔係最勁，但都話晒係英文老師，唔會太屎。
我喺Housekeeper果欄度請人，例晒d條件同人工出來。結果全部都係清潔工人，齋做清潔，其他乜都唔做。乜清潔工人英文唔係叫cleaner咩？Housekeeper係管家或雜務主管喎。
搞咗好耐，不得要領，狗急跳牆，人急智生，我靈機一觸，改變策略，喺Senior Caregiver 果欄度落手。佢地專門照顧d照顧唔到自己既老人家：幫手煮飯，清潔，洗衫，餵食，餵藥，沖涼，湊睇醫生⋯我知，我知，我一d都唔老，仲非常健康，跳得舞，踩得單車，舉得重，仲滑埋雪添。所以，我寫得好清楚：我唔需要佢餵食，餵藥，幫我沖涼，我淨係要佢做家務，人工照俾。結果，得一個人回覆。好，照同佢喺電話度傾。傾落似乎都有d希望，人工都OK埋。點知，佢突然間殺出一個問題：
應徵者：你喺個廣告度話由9am 至 1pm。我想問下，時間有冇得走盞。我唔係一個morning person ，我驚朝早起唔到身。
我：吓！咁你想返幾點呢？
應徵者：我都唔知㗎，我起身打俾你，通知你我返緊來囉。我揸車來你屋企，20分鐘啦。
我：咁你通常幾點起身？
應徵者：冇定㗎。睇我之前果晚幾點瞓囉⋯⋯
我：（感覺非常淪落）哦哦，咁彈性吖？俾少少時間我考慮下。我遲d覆你。謝謝。
我諗我真係應該認真考慮下。我需要請定個人餵我食藥，因為遲早會俾佢地激到中風。
各位網友，幫幫手，俾d意見，你地話，請唔請好呢？🤔😬 #工人 #parttime #家務助理 #morningperson #caregivers #senior caregivers #中風 #housekeepers
清潔工人英文 在 清潔工英文janitor的問題包括PTT、Dcard、Mobile01 的必吃
另外網站清潔工人英文- 英語翻譯- 查查綫上辭典也說明：清潔工人英文翻譯: cleaner…，點擊查查綫上辭典詳細解釋清潔工人英文發音，英文單字， ... 清潔工" 英文翻譯： ... ... <看更多>