【原來香港有個超隱世漁村小島：吉澳】
先前都分享過，困獸鬥咗咁耐冇得出去又冇工開，唔好講諗做咩好，想出下去，香港已經搵唔到有咩地方好去，重點周圍都咁多人，所以唯有不斷搵啲更隱世地方、更偏遠小島。當我無聊到上運輸署個網睇，到底香港仲有咩地方有公共街渡去到，先發現原來有個地方叫吉澳，而呢條由馬料水出發嘅航線，2018年先至啟航。以前，只可以沙頭角出發，或者參加旅行團。
吉澳係香港最北嘅島嶼，對面就係深圳鹽田區，最近「放汽球」就係呢度。吉澳一星期只有星期六日每日一班船，或者因為太遠（搭成個半鐘船，係香港境內搭個半鐘船！）都唔係好多人去，而我上個島幾乎係「包島」咁滯（原因遲啲再分享），加埋小漁村人流唔多，時間好似停咗咁，舒服到不得了。
亮點係島上嘅高棚頂，行山徑剛剛分隔島嘅兩邊，當日個天勁清，難得水又超清，簡直有種「沖繩藍」嘅感覺。當我以為行分流果次已經夠靚，吉澳呢個景係Top 1咗，重點係隱世又唔多人，好有旅行feel。因為事前完全冇聽過呢個地方，感覺就好似平時，喺Hostel醒嚟唔知去邊好，求其走去碼頭搭架船，去個你從冇計劃過去嘅地方，然後原來好靚好好玩一樣咁驚喜。
好少推薦食物：島上面嘅墨魚丸絕對驚為天人咁好味，放心，唔係平時昆水唔知有乜咁好食嘅「大粒丸」，堅係爽口彈牙好惹味
吉澳詳細遊記可看留言連結！
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
深圳旅行團 在 週末旅行團-深圳篇EP.01｜ 4 層高旋轉滑梯及高空飛索玩過未 ... 的必吃
大家好，歡迎收睇Let's Go Couples Channel 只有兩天假期又想去 旅行 放鬆？ 短途快閃 旅行 一次過食買玩！ 了解香港以外的飲茶文化☕又可以挑戰 ... ... <看更多>