【 #他們的愛情故事- 長久的婚姻肯定是相互的忍耐】
梁朝偉近日因演出《尚氣與十環幫傳奇》成為城中熱話，原來佢一直都堅持唔演父親角色，因為老婆劉嘉玲先願意接拍。呢對圈中數一數二嘅恩愛夫妻，相愛超過30年，真係羨煞旁人！
.
梁朝偉同劉嘉玲因為合演舞台劇結緣，一年後戀情曝光，因為仍哋性格完全唔夾，一個好內向，一個好Outgoing，當時畀人評為最不般配情侶。不過2人懶理批評，熱戀期嗰陣，佢地除咗去東京迪士尼拍拖旅行，梁朝偉仲不時製造浪漫驚喜畀劉嘉玲，遠卦荷蘭探班，仲要送愛人最鍾意嘅百合花，淨係睇相都覺得好Sweet！
.
其後，劉嘉玲被綁架案、裸照流出，令佢陷入谷底。梁朝偉停工陪伴，仲同劉嘉玲講：「呢個圈子咁複雜，我哋走啦，你想去邊我就陪妳去。」呢番說話感動咗劉嘉玲，「世界咩都冇咁又點？我有呢個人畀我靠住，佢高矮唔重要，重要嘅係佢畀我嘅力量。」
.
劉嘉玲父親突然離世成為轉捩點，佢表示：「我想畀自己一個交代，畀自己穿一次婚紗。」梁朝偉一口應承，結束約 19 年愛情長跑，喺不丹舉辦獨一無二嘅婚禮。劉嘉玲話：「我覺得自己幾幸運識到呢個男仔，呢幾年來，我們互相進步、成長，經過好多事，佢都幫助我渡過難關。」.
.
梁朝偉一向低調，從來唔出席仼何應酬派對或宣傳活動，但佢會為劉嘉玲打破自己原則。除了出席劉嘉玲嘅時裝品牌Show之外，每一次劉嘉玲獲提名需出席頒獎禮時，即使不關自己事，佢都一定會陪老婆出席，以行動支持對方。
.
梁朝偉為劉嘉玲付出，劉嘉玲亦都有為梁朝偉默默付出同支持。參加宴會時，內向嘅梁朝偉要靠劉嘉玲化解尷尬；喺屋企劉嘉玲身兼多職，太太、工人、管家乜都做，生活中一切瑣碎事情都由她包辦，因為梁朝偉不擅於生活自理，劉嘉玲變得更加會照顧人：「就是好錫佢，我幫他打點就好喇！」
.
劉嘉玲曾分享自己的婚姻之道在於一個「忍」字，「長久的婚姻肯定係相互忍耐。喺包容佢嘅時候，佢都承受梗我嘅性格，其實我亦好難搞。鍾意一個人就會包容佢嘅一切，包括佢嘅性格、價值觀、人生觀，你都會認同。」
.
梁朝偉當初拒絕出演《尚氣與十環幫傳奇》，因為童年時父親經常離家出走，所以堅時唔接「父親」角色，梁朝偉表示：「其實有人提出過邀請，但我都推咗。因為我唔想記起父親當年點對我。佢嘅離開令我唔知點同人相處。」喺老婆劉嘉玲不斷在旁説服，勸佢先同導演溝通下，先促成咗今次合作機會。估唔到劉嘉玲令梁朝偉放下多年執著，踏出第一步。
.
佢哋二人嘅愛情低調地互補不足、相互忍耐、陪伴對方超過30年，直到宜家真係唔容易～
.
#咁Sweet得唔得架 #好恩愛 #尚氣 #尚氣唔接下氣 #情侶 #愛 #愛情 #語錄 #拍拖 #香港 #女朋友 #hkig #心事
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！
浪漫驚喜 在 JK凱翔-【浪漫驚喜】Official Music Video - YouTube 的必吃
浪漫驚喜 #JK#抒情饒舌#生日快樂#生日快樂情歌#Rapper#Rapper情歌#大嘻哈時代2 JK IG: https://instagram.com/_jk_0809?igshid=a075a9i6leby 張群Qun ... ... <看更多>