【《#唐人街探案3》打破《復仇者聯盟4》，創下史上最高單一地區開畫票房】
每一年嘅春節檔，都係中國票房兵家必爭之地，喺2019年有《流浪地球》加持創下票房新高後，今年一套《唐人街探案3》再狂破紀錄，唔單止喺年初一以單日10億，創吓中國史上最快衝破10億同單日票房紀錄，同時都係中國史上最高開畫票房，喺今日都成為最快衝破15億嘅電影。更癡線嘅係，《唐人街探案3》如果計返美金收近1.6億，打破咗《復仇者聯盟4：終局之戰》北美開畫1.5億嘅票房，創下電影史上單一地區最高開畫票房。
《唐人街探案3》原定喺舊年上映，都有望係2020年賀歲檔票房冠軍，但就遇上疫情要延期，而片商都信心十足將套戲延期足足一年，堅守賀歲檔，最後俾佢爆出票房奇蹟。《唐人街探案3》今集搵嚟成班當紅日本演員，星光煜煜到勁過你睇《信用欺詐師》，仲喺日本拍攝，就咁睇條預告你分分鐘以為係日本片，而同時《唐人街探案3》都係繼《復仇者聯盟3》、《復仇者聯盟4》同《八佰》後，史上第四套全IMAX拍攝嘅作品，吸引力都大增。
多得《唐人街探案3》票房帶動，今年初一中國賀歲檔票房都高達17億，同樣破盡紀錄，但係事實上今年中國戲院戲飛狂加價，如果你喺「正常時期」、「和平時期」有返開中國睇賀歲片習慣的話，會知道佢哋戲飛票價可以有幾平，但今日已倍數咁加，先力谷到票房高成咁，而入座率並唔係想像中咁多。對比起第二位嘅《你好，李煥英》只收4億，《唐人街探案3》票房高到咁，除咗因為搶盡IMAX等大院外，喺賀歲檔期嘅排片都以量取勝，迫到其他戲冇得排，呢單嘢都俾網民怒插谷票房。
《唐人街探案3》2月25日都會喺香港上映，但上兩集香港做完都冇人知，加埋呢個時勢，仲有大量積咗咁耐大片未上，除非宣傳上真係搞到觀眾以為係套日本片，唔係都應該幾難有咩好反應。
🧧電影網店現正進行新春限定優惠🧧請即睇：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
