《 選委是怎樣煉成的 》
我姓譚，60年代喺香港長大，屋企有四兄弟姊妹，當時香港社會仲係好貧困，老豆老母做小販，成日四周圍奔波，先至可以湊大我哋四兄弟姊妹，所以我大哥叫湊東，家姐叫湊南，細佬叫湊北。
我已經講到咁白，你仲專登問我叫乜嘢名？
係唔係好想你老母畀人問候。
香港地，努力一定有回報，尤其是八九十年代，大陸改革開放，我哋四個都撈咗唔少油水，依家唔係人大就係政協。
至於點樣先至可以爬到呢個位？好簡單，一個字 ： 「做狗！ 」
上面冇表示，你就合埋把口，唔出聲冇人話你啞，上面叫你吠阿邊個，你就要有咁大聲吠咁大聲，一定要畀上面聽得到。
毛澤東老婆江青受審嗰陣時嘅金句 ：「我只是毛主席的一條狗！他叫我咬誰我就咬誰！」
呢句話真係一啲都冇錯，只可惜江青日日高呼毛主席萬壽無疆，嗌嗌下真係以為佢老公唔會死，到佢老公兩腳一伸，即刻畀人拉Q咗。
講返香港，最近我哋要畀提名票嗰啲特首參選人，我自己其實好同情葉劉，佢一個孤兒寡婦單打獨鬥，真係幾陰公，我好想將我嗰票畀佢，不過上面唔畀我地獨立思考，一定要捆綁投票！
唔講啦，你聽唔聽到上面有把好重回音既低沉聲音 ：「…… 湊西……仲唔去填表格……？」
毛澤東老婆 在 [問卦] 為什麼毛澤東一死老婆立刻被整肅？ - 看板Gossiping 的必吃