關於 比兩個年齡差不多的小朋友同房係玩命挑戰 ，我們在網路上蒐集到這些相關的討論、資訊與評價

【二拖二酒店之旅】
#偽二胎媽媽

自從去完日本坐完小火車後，一一對火車好著迷，成日話要搭火車，好啦好啦，今次仲約埋好朋友仔凱琳同Bat Bat一齊去玩！

去之前其他朋友同我講， #比兩個年齡差不多的小朋友同房係玩命挑戰，因為兩個會不停玩唔瞓覺🤯🤯，但係當晚兩個小朋友沖好哂涼奇蹟地10點前已齊齊入睡🥳🥳

秘訣就係日頭玩轉全間酒店，晚餐再不停食食食食食，食飽玩夠自然好好瞓😴😴

第一站：#門口巨型大火車打卡📸

落車一到埗得，沿左手邊的路直入，見到架超巨型火車🚂大人小朋友都勁興奮，一一以為係真，仲想爬上去😂玩完一餐就沿扶手電梯上酒店大堂Check -in。

第二站：#火車站候車大堂🏫

上到來大堂好似去了外國的車站咁，把握機會同一一影多幾張靚相，呢日週末唔算多人，3點去到即刻有得Check-in，職員仲有驚喜比我地，第二日退房延遲到下午2點⏰🎉

今次酒店邀請到香港知名鐵路模型收藏家劉棟遠先生合作，借岀個人收藏之模型火車超過 1,000 輛，比大家欣賞！

第三站：#小企鵝主題客房🐧

酒店今次安排了小企鵝客房比我地😍！一岀𨋢小企鵝已經等緊大家，由於悅品屬中型酒店，唔好期望間房會好大，浴室亦唔一定有浴缸，不過用幾百蚊的超值價錢就住到主題房間係幾特別！

第四站：#兒童樂園全日任玩🎠

今次亮點係全日任玩playroom+電動車，因為之前有住客反映過電動車不停玩好快無電，所以如果兒童係全日任玩，大家就一定可以玩多幾次，每次玩10分鐘再重新排隊，現場多數係父母幫手排😂小朋友去一邊玩角色扮演同玩遊樂場，一邊等電動車。

第五站：#火車自助晚餐🍝

晚餐選擇了在酒店食，記得book房時book埋餐廳，好彩的話仲可以坐係火車包廂內！不過今次我地就無咁幸運了🤣😆😆，自助餐亮點是$140的兒童餐，好食之餘食完仲可以將餐具砌返架火車🚞！

後記：玩夠食飽後，我地分別捉了兩隻🐒去沖涼，今次的住宿體驗令我短暫的試了做二胎媽媽，大家互相幫忙顧一下小孩，已經夠忙了，兩個要一同玩一件玩具，一同食同一包零食🤦🏻‍♀️幸好沖完涼關燈後，奇蹟地10點前就瞓了😆😆不過......第二朝準時6點半起床再玩過🥴🥴也令我深深明白到，生二胎神隊友的重要性😬

⚠️見大家都有問我點樣啲相影到好似無乜人，因為我有少少心得，有興趣就留言，我pm話你知！

🔸🔹🔸🔹🔸🔹🔸🔹🔸🔹🔸🔹🔸🔹🔸🔹

【🍂秋日滿分住宿計劃 - HK$688起】

計劃詳情：
升級入住主題家庭客房一晚
▪️自助早餐 (2位成人及2位小童)
▫️兒童樂園一天通行證
▪️Haagen Dazs雪糕2杯
▫️免費使用健身中心及蒸汽房
▪️延遲退房至下午2時(視乎房間供應情況)

【🐧小企鵝家庭旅行計劃 - HK$738起】

計劃詳情：
▪️升級入住主題家庭客房一晚
▫️自助早餐 (2位成人及1位小童)
▪️獲得小企鵝任務卡，完成任務以贏取企鵝毛公仔乙隻
▫️暢玩童趣巨型懷舊遊戲 (包括 6米闊的飛行棋、2米高的層層疊及2米高的俄羅斯方塊)(下午3時至4時30分)
▪️暢玩兒童樂園60分鐘 (包括職業體驗、互動遊樂場及迷你電動賽車場)
▫️「親子環保袋工作坊」乙節
▪️小企鵝浴室用品 (包括沐浴露、潤膚露及洗髮潤髮露)
▫️延遲退房至下午2時

悦品度假酒店．屯門
地址：香港屯門建豐街4號
電話：+852 3899 9288
電郵：[email protected]
https://www.hotelcozi.com/resort

Hotel COZi