【Police State】
講咗成個禮拜，就係避免成為Police State
就算大家唔悶，本人都有啲乾乾地。Malcolm X嘅勇武，馬丁路德金對民主人權堅持，甘地不合作運動，南韓民主抗爭，波蘭嘅罷工，近代歷史中舉世矚目而有成果嘅社會運動都分享過，當中嘅共通點就係當時無限大嘅警權，令一個地方同國家變成Police State。咁有乜嘢值得大家借鏡同思考呢？
响之前所分享嘅近代歷史事件中，無論係邊個地方或者國家，民主極權高壓扭曲嘅都好，最令人印象深刻嘅都係嗰班唔同款嘅警察。美國嘅警察，警犬同騎警，南韓嘅反共便衣，波蘭嘅秘密警察。如果話當時嘅政府同政策不公令人民反抗，咁警權過大無制約就一定係催化劑。所謂嘅Police State係一種管治模式同結構，呢啲政治社會學咁深如何解構，我識條鐵咩？只係知呢個管治方式係好似毒品興奮劑咁，成本好低又好容易植入啲警察（工具）個腦，上晒癮好難戒。
只要試下代入當年嗰啲警察嘅心態就明白。首先喜愛權力同暴力係人類原始嘅天性，只要有一個好聽易明嘅理由，例如所謂嘅職務、維持治安、敵我之分，咁打同仆啲「黑色低等壞人」有咩錯？拉啲「搞事罷工」嘅有幾唔啱？折磨啲反社會「共產學生」直情啱晒？呢啲就係警權社會恐怖同對立之處。不過歷史話比大家知，總有方法化解，可惜係要耐性，堅持，制度同教育囉。咁多個歷史事件同國家，最終嘅解決方法係民主制度，然後係完善嘅社會教育，難唔難？係好難，到今天好多國家嘅警察都未戒得甩...
#毒癮係好難戒
#未上癮前就SayNo
#放毒品嘅正仆街
毒癮係好難戒 在 為什麼戒毒這麼困難呢 - YouTube 的必吃
為什麼戒毒這麼困難呢？ →因為成癮是一種腦部疾病。 您的大腦就像一個控制中心，它會釋放化學訊號，來進行決策與行為。一旦使用毒品，這些化學訊號會 ... ... <看更多>