🎊 Mission completed 加超額完成
7月4號係話減肥的半周年，今日和大家做個小總結：
數據上：
體重：55.5kg➡️ 46.3kg (原本目標50kg）
體脂：33%➡️ 23% （*最低見21%，發現原來體水分率越高，體脂率就會越低，一日之中也會因應飲水量而大上落，所以要看平均數值）
內臟脂肪：5.5➡️ 3.5
體內年齡：由開始老過實際年齡3歲，呢段期間追回14年，現在比實際年齡年輕11年
💁🏻♀️ 以上數字除了磅數是準確外，其他數據只作參考唔洗太認真，始終是一般家用電子磅
外觀上：
微胖，同瘦扯不上關係，可能我矮，要望落去fit 應該要多減2-3kg。事實上身體仍然有不少肥膏，特別拜拜肉同肚腩仔，不過算啦，話晒都跟咗我咁多年。至於腰圍都可以同大家分享，和開始前相比減了共5吋。
💭 現在的我已可正常飲食（酒精除外，我的大忌），想食乜就食乜。可能因為慢慢減的關係，現在身體好像有了記憶，體重唔會容易大波動，就算食多咗只要下餐收斂返啲，飲返多啲檸檬水，體重也可以回復正軌。
運動方面我仍然有keep，每日跑5km 加一小時阻力訓練。其實大家不用像我日日做，只是我想比啲挑戰自己，看看自己有多堅持。而且見到自己長多了肌肉，線條firm 咗真係好開心（自high 😅)
🌟 總結：減肥唔係真的咁難，難係難開始行的第一步。像我慢慢減，可以半年減去多年以來累積的脂肪，其實條數好抵。
坊間有好多可以keep fit、減肥嘅方法，始終每個人體質、處境都唔同，真係冇話邊種方法係最好，只要該方法你肯做，你肯堅持，就係最好的方法。
Timmy 💪🏻
#比我show吓條lululemon
#希望lululemon可以支持香港運動員
