【 #愛情冷知識 - 戀人樣子如何，你的食慾也必如何？】
有無發覺唔知點解同親另一半食飯，佢食慾都好似特別好？有時仲大食到可以食加大，唔通係因為見到我所以咁好胃口，嘻嘻～ 不過恐怕要打破各位美好嘅幻想喇！外國有研究證實咗原來食慾真係同約會對象嘅外形有關，不過原來係對方愈靚你就會愈細食，即係調返轉啊，咁佢見親我都咁大食咪...嗚嗚～
.
根據英國《泰晤士報》報導，美國東卡羅萊納大學針對「心儀對象和飲食之間的關係」做咗份研究，請咗600個大學生做實驗對象，再事先根據外形將學生分為「有魅力」同「一般般」，然後邀請佢哋做一場模擬約會。每個學生去到餐廳點餐前，研究人員都會畀一張約會對象嘅相佢哋睇，然後學生再決定要食咩，從而分析究竟對象長相同佢哋嘅食慾有無關。
.
結果發現，如果學生獲分配到一個屬於有魅力等級嘅對象，無論男女都會揀低卡路里同健康嘅菜色，仲要多數都係細細份。而如果佢哋分配到一個一般般嘅對象，點餐嘅份量就大得多，足足多平時食量一半，勁好胃口...
.
研究人員就解釋話人喺潛意識上會認為食細份餐點較端莊，所以當大家嘅約會對象比較靚，就會想塑造自己最好一面，自然食得比較少。至於如果對方樣子普通，大家就會變得隨意，胃口大開機會急增！即係如果心儀對象對住你永遠好大食，你就知原來...不過都可能係同你相處自在姐，即係咁講，唔駛灰心ok？
.
然後我即刻同女友講，你對住我食咁細份，咪代表... 點知佢打斷我：「你個樣超越咗一般認知，我無胃口咋！」大家平時拍拖食量又係多定少？
.
#明我點解咁大食啦 #我都唔想 #你個樣逼我 #社會實驗 #搞笑 #大食 #食慾 #約會 #曖昧 #香港 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動 #港式情侶
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
