[1230隔夜超短劇評]
[無綫][全職沒女][第10集]
Skip咗兩集冇評。有觀眾朋友留言話今集松松好正，為咗松松姐姐，我要睇﹗
[讚]
到咗第10集，全劇去到一半，終於嚟集好少少嘅。一路舖嘅三條感情線，終於三條都各自有啲「衝突」。透過煙花將三個空間時間好清楚咁交代咗出嚟，睇落好似冇乜作用，但實際上的確令到觀眾覺得三段戲剪埋係合理，亦令到個劇情緊湊咗。
松松姐姐見到偶像張達倫飾演嘅Fantastic後嗰種興奮，仲有對張兆輝失望喊住鬧佢嗰吓都好正。陳瀅畀前夫迫向張振朗喊住求佢唔好報警嗰段都做得好。
[彈]
到第10集先有嘢睇，走咗幾多觀眾呢？陳永業一講旁白，個畫面就落filter，今次仲搞到樊奕敏個樣幾乎睇唔到，何必呢？
陳瀅嗰段明明感人，但就冇乜大頭，浪費。另外謝東閔衝入房阻止王卓淇畀人扔蛋糕嗰段相對其他兩段就寫得太弱雞。如果王卓淇考慮打唔打謝東閔嗰度寫多啲戲會好啲，翟威廉用廣告迫王卓淇多啲要打摑佢就做到。
今集最後松松想摑張兆輝、樊奕敏摑松松、楊卓娜摑張兆輝我覺得多餘，好似為咗叫人下星期睇，一定要做啲嘢咁。尤其喺呢啲愛情喜鬧作品，掌摑好破壞氣氛，你估溏心風暴咩。再講，楊卓娜摑張兆輝叫做切合人物性格，樊奕敏見到愛人被打扯火摑松松都合理。但松松摑張兆輝我就覺得唔合乎人物設定啦。依家寫松松想摑之際，樊奕敏先摑落松松度都合理嘅。
#隔夜超短劇評 #無綫 #TVB #全職沒女 #陳松伶 #張振朗 #陳瀅 #謝東閔 #王卓淇 #張兆輝 #樊奕敏 #楊卓娜 #張達倫 陳松伶 - Adia Chan 張振朗Owen 陳瀅 Jeannie Chan 張達倫 楊卓娜Lenna Yeung Cheuk Na 王卓淇 Erin Wong
楊卓娜前夫 在 方以文睇電視喇喂- [1230隔夜超短劇評] [無綫][全職沒女][第10集 ... 的必吃
陳瀅畀前夫迫向張振朗喊住求佢唔好報警嗰段都做得好。 ... 張振朗 #陳瀅 #謝東閔 #王卓淇 #張兆輝 #樊奕敏 #楊卓娜 #張達倫 陳松伶- Adia Chan 張振朗Owen 陳瀅Jeannie ... ... <看更多>