《寶寶大過天》可能係今年最佳驚悚劇！
～ 這個故事講述一個只有二歲，擁有「Trouble Two」能力的B女，憑一己之力，搞到父母、阿嫲同阿婆完全陷入精神失控狀態，出現各種情緒崩潰狀態，情節相當驚悚，B女可以成日摑阿媽，阿媽唔敢反抗，撕爛阿爸啲銀紙、掟走他煮的餸，又去超市搞破壞，老豆都係無能力反抗，阿媽更加患上分離焦慮症，阿婆因為入幼兒園事情，搞到情緒失控變成「變態操控狂」，阿嫲仲要去學校做卧底，事敗又跪又拜去求個學位，又係情緒失控的證明。一個「Trouble B」可以搞到四個成人進入崩潰狀態，情節相當驚悚。
～ 童童經常尖叫，搞到班大人都大呼小叫，情節同驚悚電影《Scream》幾似(不停尖叫部分)，所以應該係驚悚劇。
～ 香香的演技算唔算係一個驚悚位呢？
～ 講完笑嘞，不過，當大家見到只是為了一個B入幼兒班，除了全家總動員外，仲搞到成家人反晒面，嗌晒交，情況相當得人驚下，你會認為是劇情誇張唧！不過，最驚悚係現實真係有這些情況，「贏在起跑線」已經深入民生，拍拖情侶和新婚夫婦，見到生個B有可能付出這種代價，有無驚悚感，可能養寵物會自在啲，唔知近年生育率下降，同愈來愈多人養「毛孩」，是否和這情況有關？
～ 養兒育女當然有其樂趣與辛酸，只要唔走極端，享受天倫之樂是件樂事，不過當下的畸型社會情況，又真是容易令人陷入劇中人狀況。
～ 如果和前作《BB來了》首周比較，《寶寶大過天》第一個星期弱在唔夠可愛，以兩歲來說，飾演童童的B女梁芯語，其實算好戲，做到劇本要求，可惜劇情搞到佢有點惹人討厭，童童已經嘈，班大人的劇情一樣咁嘈，所以這星期令人睇得幾辛苦下。可是，如果劇中處境，是某些觀眾的實際體驗，可能因此看得投入，沒有看那些「媽媽Groups」，這劇在那裡可能受歡迎，因為劇本是設計給他們看的。
＃寶寶大過天 #驚悚劇 #生仔前計清楚條數先
梁芯語 在 #梁芯語- YouTube 的必吃
寶寶大過天｜花絮｜游日童NG日誌｜梁芯語｜馬國明｜岑麗香 · 娛樂新聞| 大讚小演員梁芯語好合作馬國明稱拍攝進度暢順 · 寶寶大過天｜第22集精華｜做咗家姐唔輸得｜馬國明｜岑 ... ... <看更多>