尋日行海港城，有燕麥奶推出新嘅方便紙盒裝！我同朋友都覺得幾好飲，有一陣清新嘅穀物味，飲落甜甜地～朋友仔：「咁以後減肥我可以飲呢隻喎！」
um..🤨🤨🤨其實燕麥奶嘅熱量一啲都唔低！等我解釋吓燕麥奶嘅好處同壞處俾大家聽！
燕麥奶好處：
1. 有啲牌子加咗鈣，有助紓緩壓力和維持骨骼頭髮健康！
2. 燕麥奶由燕麥和水造成，一啲奶嘅成份都冇，致敏蛋白比較少，特別適合對牛奶和大豆敏感，或乳糖不耐症嘅朋友😉
3. 對地球環保出一分力。製作燕麥奶比製作牛奶幫助減少碳排放80%！而且睇紀錄片有啲養殖場環境好差，想牛牛冇咁辛苦，轉飲植物奶比較好🥺
燕麥奶缺點：
1. 纖維極低，千祈唔好以為飲燕麥奶可以取代食燕麥片啊！降膽固醇效果極低！
2. 雖然寫住無添加糖，但其實在製作過程中，燕麥會分解出天然嘅糖分，一盒大約有兩茶匙糖，糖尿病人士就要小心控制份量啦！
3. 為咗令燕麥奶香滑啲，製作過程添加咗菜油，所以每一盒都有近一茶匙油，熱量唔算低，減肥朋友記住要換算份量！
4. 燕麥奶嘅蛋白質非常低，如果想於運動後攝取蛋白質去修補肌肉，建議大家都係飲返牛奶豆奶啦！
其實想環保想補鈣想減肥，我個人比較鍾意豆奶，比較高蛋白質飽肚～或者最近多咗飲杏仁奶，比較多維他命E，幫助美顏滋潤皮膚 ～大家可以自己考慮取捨利弊同味道決定😋😋😋
換算：
Oatly （250ml) = 115kcal = 1 份五穀 + 1份油
Califia (200ml) = 88kcal = 半份五穀 + 1份油
杏仁奶壞處 在 杏仁奶健康嗎？怎樣選杏仁奶？| Is almond milk really healthy? 的必吃
杏仁奶 真的健康嗎？這個影會分析 杏仁奶 的好處與 壞處 ，怎樣選好的 杏仁奶 和買 杏仁奶 時要注意些什麽。Is almond milk really healthy? ... <看更多>