一句「今時今日咁嘅服務態度」，令不少人都以為服務等於着數、態度必須臣服。
講故事之前，澄清返，以下的朋友就如你我一樣，並沒有呼風喚雨的能力。
朋友在一個會所的泳池工作，服務對象主要是一家大細。疫情下，由於市民不能出國旅行，所以泳池工作都頗為繁忙，特別最近暑假。
奈何，暑假在夏天，夏天又經常下雨，而當天文台發出雷暴警告，朋友便必須關閉泳池，但每次，都會有不少客人拒絕離開，然後還罵他：
「你要關閉泳池，沒有說要客人上水，你去關啦，別阻我！」
「雷暴很危險？你咒我被雷劈呀？」
「你態度好差，嚇親我個仔，有咩事你賠唔起！」
在一輪「對不起」、「麻煩你」之後，所有客人終於離開泳池，但緊接而來的，就是查詢電話響過不停︰
「點解會落雨？」
「到底幾時停雨？」
「點解你哋咩都唔做？我個女好唔開心！」
朋友苦笑：「我唔知道自己有呼風喚雨嘅能力囉！」
「其實又唔係你整到落雨嘅，啲客想你點做？」我問。
「想我賠償。」
「賠什麼？」
「賠入場費、或者賠餐飲券、或者賠入場費和餐飲券。」
雖然，我認同服務態度的必要，因為這直接影響客人回頭的機會，但服務不等於不合理賠償。所以，亦很難怪服務業做到好灰，當公司要求服務好，便有如要臣服於投訴，沒做錯又要賠，賠完還得忍受勝利者的嘴臉。
我教朋友，下次再有客問他幾時停雨時，就答：「我問問老闆，睇佢幾時想停雨，再覆返你？」當然，敬業的他只是苦笑，說「不能夠這樣跟客人說話」。呻完了，他明天還是繼續準時上班，或許在午飯時，可以查看有沒有呼風喚雨課程報讀，如果有的話，讀完練得一身好絕技，升職加薪，指日可待。
IG: echow03
