【還記得好好睡覺的日子嗎？】
近三點嘅龍和道，鐘聲響起歸家的訊號。
點知仲有其他人一樣訊號響起，車門被打開。
「愛秩序灣。」
冇嘅，有生意咪做囉。不過，伴隨上車嘅濃烈體味，導向一個問題：「先生，跑完步呀？」
「行路呀，我瞓唔到落街散步，行下行下自自然然就行咗嚟呢度。」接過我遞上嘅紙巾，乘客講到好似好理所當然咁。
「你由愛秩序灣行到過嚟？呢個時間？」
「瞓唔着丫嘛，之前無行咁遠㗎，而家愈行愈遠。」
「有咩放唔低呀？我哋乞緊食都瞓得到。」
乘客猶豫咗一陣，好似盤算緊啲咩。終於佢都講：「呢一年嚟有幾多個香港人瞓得好？我一返到屋企對住藍絲老豆老母，連講嘢嘅意欲都無，睇住新聞就火滾，落街行下好過聽佢分享銅芯口罩有咩好。」
「我諗相對於死難者家屬，相對於間唔中入邊嘅手足，相對於沙嶺下嘅冤魂，無錯，我算瞓得好㗎喇。」負能量一下子爆發開，口罩同消毒酒精都阻擋唔到。
「司機你都明啦，我真係冇乜點瞓過覺，每個星期瞓覺時間10隻手指數得晒。邊可能瞓得好丫。」
「你咁講開，我都真係唔記得咗好好咁瞓一覺嘅滋味係點樣樣。好想瞓覺呀。」
「俾多啲tips你等你瞓好啲啦。」
「唔使咁多啦，錢買到安枕，我哋就唔會瞓唔着覺啦。光復香港，」
「⋯⋯革命。」
逐漸遠去嘅乘客，隔住車門都伸直右手，同道之人何其多，你叫人點瞓覺。過去呢一年，香港嘅變化足足比得上十幾二十年，任何家庭崗位嘅人，壓力都係前所未有。去年嘅絕無可能，今日都變到理所當然。
上年二月拍降魔的自我感覺良好，到上映時人人CCTVB不了，劇中嘅「施勞斯」有傳因示威被捕。又打壓香港電台，又惡歌法襲來，想有一晚瞓得好都難。
大概只有裝睡的人，方可得一夕安寢。
有幾多個香港人 在 在台灣的香港人和在香港的台灣人 - Facebook 的必吃
本谷簡介/ 谷主心聲： 「在台灣的香港人和在香港的台灣人」社群建于2008年建，宗旨幫助大家在異鄉找到 ... 本身是台灣人近期有個工作機會想請教一下關於香港僱用的問題 ... <看更多>