#提早慶祝聖誕 #有冇人11月就慶祝聖誕節 #遲來的post
又到聖誕🎄又到聖誕🎄每年聖誕我哋一家都會去尖東睇燈飾，當然唔少得影下啲靚靚燈飾啦！喺11月中就得知尖東燈飾已經亮燈，爸爸做酒店業，以往經驗係聖誕一定要返工😩爸爸就話不如提早慶祝聖誕節，所以11月尾嗰陣我哋就嚟咗個尖沙咀一日遊。
中午我哋就帶芊嶠劻霖去咗九龍公園玩，點解要揀九龍公園？因為我同嶠爸拍拖嗰陣都成日行🤭其實九龍公園都好多嘢睇，又可以比小朋友跑跑跳跳，說到底去戶外吸收下新鮮空氣，個人都開心啲啦❤️不過就要留意，雖然天氣開始涼，但都記住要做足防蚊措施呀😉
爸爸話聖誕節點都要食「聖誕餐」！我哋就揀咗位於帝國中心地下嘅 Pizza Express，因為餐廳環境好舒服，而且平日去食，店內唔多人。估唔到11月尾都已經有聖誕餐✌🏼我哋就叫咗個聖誕節2人套餐，頭盤 x1，主菜 x2，飲品 x2，不過聖誕節梗係要甜甜蜜蜜啦！一於就加埋個甜品拼盤啦😍
頭盤我哋揀咗焗蘑菇，細細粒蘑菇釀入芝士，一口一粒，爽呀🤩主菜一揀咗軟心芝士Pizza🍕 ，小朋友至愛，軟心芝士配埋車厘茄，好夾！主菜二就揀咗烤雞配蝴蝶粉，蘑菇汁 + 酸忌廉，仲有巴馬臣芝士，最重要係半隻烤雞，好香好滑，芊嶠同劻霖都食唔停口。
飲品爸爸揀咗 #石榴梳打特飲，爸爸就叫咗 #蜜糖檸檬薑熱飲🍋 比我，佢話女人最適合，我本身好怕薑味，但估唔到咁樣配搭又幾好飲，飲完個身暖笠笠😍甜品拼盤就有 #是日甜品 #朱古力心太軟 #意式忌廉撻。我個人覺得意式忌廉撻好特別，唔會好甜，食完想再食；心太軟就係我至愛，一樣係秒殺甜品🥰
🍨Pizza Express 聖誕套餐外賣優惠：凡於12月14日或之前訂購任何外賣自取聖誕套餐，即隨套餐附送焗麵包球配朱古力榛子醬一客😍 (必須於2020年12月14日或之前付款；不能與其他優惠同時使用；只限網上訂單或親身到餐廳訂購。)
🎄食飽飽梗係要行下幫助消化，咁就梗係去睇燈飾啦！今年尖東啲燈飾好靚，仲好有特色，我哋都忍唔住影相打卡📸
💡不過呢排疫情嚴重咗，大家都係暫時唔好去住，大家睇住我啲相先，希望疫情好返啲，大家就可以去影相打卡，帶小朋友去尖沙咀一日遊🥰
#東尖沙咀地產發展商聯會 #tstexmas2020 #尖東燈飾 #帝國中心 #pizzaexpress #九龍公園 #boxingpromotionshk #2020聖誕節 #芊嶠與劻霖成長日記
