《入左Dark的黑洞》
上星期睇完 #雙甲小食店，唔知追咩劇好，停左幾日冇野睇有d空虛，前幾日我老公開左套唔知咩戲，佢多數睇外國戲，好少睇劇，睇睇下發現奇奇怪怪，我問：佢地講德文架喎！德國戲你都啱睇？
👨🏻：好似話幾好睇喎⋯⋯
👩🏻：又係嗰d捉小朋友殘殺個d戲呀？
👨🏻：有關核電廠個類囉…
就係因為有「核電廠」呢三個字就吸引左我去繼續睇，我對核電廠係有情意結，覺得係真實但又好科幻嘅事，所以我就陪我老公睇落去！
點知睇完第一季的第一集，就打開左 #Dark 呢個黑洞，我完全係被吸左入去，個晚我煲到大約朝早4am熄機想訓，但係個腦一直有好多問號，好想繼續追落去，於是我又開機繼續睇，最後我6am終於捱唔住訓左！
追劇追通宵已經係上世紀嘅事，原來呢套劇外間被人稱為Netflex的神劇，全球有250萬人睇過，嘩真係失敬！出左第三季我先知，咁都好呀一追就追哂，唔洗吊住心癮！
如果你都鍾意睇科幻玄疑片，類似 #Inception 個類，呢套你一定會鍾意！其實我都係第一次睇德國劇，又估唔到佢地製作水準咁高！本來睇佢地原聲德文，後來發現原來Netflex有英文配音，配得都幾神似！
你一定會好似我開頭咁問？咁套劇講咩架！
我睇戲之前通常唔會睇Trailer, 因為Trailer通常將最好睇嘅最好笑嘅位剪哂出黎，到我入場睇就冇哂野睇！反正如果你想知更多，上網查一查就有，所以我又學我老公，比d Terms你睇下會唔會Hit中你想睇的好奇心！
唔好比第一集誤導左，Dark闇呢套劇除左有核電廠，仲有關時光機、穿越時空、命運、信仰、人類從何而來、有雞先定有蛋先的問題⋯⋯
有d深度，又有d混亂，加上好多問號，我睇完一次仍然有 #未解開的結，我唸我會再重煲呢套神劇！
#闇 係讀暗，其實係咪古字黎？我覺得套劇用闇而唔用暗好有意思，上網查一查，闇字可解閉門、蒙蔽、湮沒、不了解、陰暗、昏昧、糊塗、黑夜、愚昧的人，睇完套劇就會明白呢個字真係改得好貼切！
#圖文相附
#其實佢地睇緊BabyBus
#Dark闇
#有冇人睇開架
#有時間先開始睇
#真係黑洞黎架
#Netflex
#逃避一下現實世界
#因為現實更闇
