#ZOOM上課 #又是老師的錯 #大學secret
#點解男同學嘅聲音會係女同學嘅戶口出現
「老師叫你名喎」「你同佢講佢唔喺度啦」。Zoom不單止有Mute咪功能，而且會顯示發言者來自那位同學account.
大學課堂很長，一堂可以3小時。不少同學登入了之後，就會懸掛Account，離開自己房間「蛇王」 。
「伯恩斯坦視學校為符碼與控制的機器，教育為文化再製的手段。同學，我們談伯恩斯坦之前，我們不能不談權力的定義。A(男同學名字），你可否分享吓，如果是你，你會如何定義權力？」
「.....（無聲）....」
「A同學？」同時，我用chatbox再PM佢
「.....（無聲）...」
「其實你PM答案俾我都可以。」學校擔心學生家庭環境不允許，有建議老師不一定要學生開視像或者聲音。
「.....（無聲，又沒有輸入訊息）...」
「咁，我當你缺課吧」
「(細細聲）老師叫你名喎」
另一位女同學道。聲音收得不好，我估她是用手遮著咪，背着鏡頭說。
突然，在女同學戶口發出更細的聲音。
「咁..你同老師講佢唔喺度吧」
聽到呢度，我都難怪A同學沒有反應。係男宿舍登入 #Zoom 課室，再跑到女同學房間 Study Chill。可惜，遇上不近人情的老師突然叫名，棒打鴛鴦。
難道真的要跑回自己宿舍嗎？以前入女生宿舍，又裝作技工，又要找借口。「電腦壞了嗎？我可以過嚟幫你整下。」其實Apple Genius都做不到的，我又點會識。
千辛萬苦找到藉口闖入女生宿舍。竟然遇上不識時務的老師，難道真是為了一個出席紀錄，就放棄大好機會。但連出席紀錄都放棄，又會不會在女生面前，把自己「野心」顯示得太過着跡？說到尾，#最衰都係個老師。
（其實呢同學可以用女生的戶口回答吧）
讀者可能會這樣問。
唔知呢，可能這位A同學的女友並不是這位女同學吧。又或者，A同學正打算騎牛搵馬，追其他同班同學吧😈
#下次記得答問題喇
#應該只是我想多
#又一忘記mute咪系列
