#珊吹老師
#貼堂系列
#流感高峰期 #鼠疫 #肺炎
#最緊要睇醫生 #戴口罩#
好耐冇貼堂，今晚呢位冇頭像冇post冇朋友嘅Kiko幾得意，好多同學仔同佢傾計，香港網友真係好可愛。
早幾日我開始喉嚨痛，第二日變咗咳嗽，雖然用咗盜賊配方精油，令喉嚨好快就唔痛，但係喺飛機度咳，都係非常自私嘅行為，所以我去睇咗門診，食止咳藥，全程帶住口罩，再喺口罩裏面滴左一滴Theives，其實幾有效，最少我冇發燒，精神好好，只係覺得喉嚨好乾同埋仲有啲咳。
我好緊張呢啲事，因為之前傳過爆發鼠疫，未幾又輪到武漢爆發肺炎，兩件事都可以搞到好大件事！仲要去到今時今日，國內嘅衛生意識、防疫意識、處理疫症心態，全部都仲好似未死過咁，嬉皮笑臉。
其實我有另外一個朋友，一個月前喺大陸返嚟，過咗幾日喉嚨痛發燒，佢冇理會，食啲成藥退左燒就算，點知再次發燒，一入院醫生就話佢肺炎，仲有肺積水，住咗成個星期醫院。
2003年沙士嘅經驗好痛苦， 299條命嘅犧牲，唔係16年之後又嬉皮笑臉搞一鑊呀？呢排係流感高峰期，催淚煙又特別攻擊上呼吸道，加埋好可能爆發嘅兩種疫症，我真係覺得要提大家必須要戴口罩，同埋有少少事就要睇醫生，自己同身邊嘅人隔離一下，仲要好好休息。
我分享喺台灣睇埋中醫嘅經驗， Kiko就咒我癩咗嘢，死亡機會率係九成。
我答佢：如果癩嘢都冇辦法，各自保重啦！而且人終於一死，機會率係十成。
俾人圍，最終Kiko話人哋好煩，佢唔得閒覆喎。我覺得Kiko好笑嘅係，咒人都要覆？又幾有責任感喎。
