#曼谷水療推薦
今次住位於Central Embassy商場的Park Hyatt Bangkok，要去做Spa最好都係落番商場去4樓既Dii！Dii 係著名泰國水療品牌Divana嘅副線，行到入滿佈按摩房嘅走廊，超黑勁cyber feel，入到房又係勁黑，但天花嘅燈好似天上繁星，好快就relax咗。今次一行三人去做咗個90分鐘香薰油全身按摩，香薰油有三款揀，我揀咗好清幽嘅茉莉花味，按摩師力度好好，而且按得好到位，唔覺意就過咗90分鐘，真係成身鬆晒！按摩前有凍花茶飲，按完後有生果同熱花茶來補充一下。今次按摩收費每位2500泰銖，另加7%政府稅，係比普通按摩貴咗啲，但成件事絕對值回票價，值得去豪一豪！
