快啲讚美我！快啲讚美我👏🏼👏🏼👏🏼被螞蟻搬家式搬垃雜野煎熬成個星期，終於都搞掂晒入伙了😭😭😭而家諗返起都真係幾佩服自己嘅毅力，由0️⃣➡️1️⃣計schedule，約晒水電媒+之前間屋嘅歸還檢查=立会（たちあい）發咗自己唔少脾氣，同時再卸咗落親朋戚友到🙈情緒極度唔穩定的一星期🙄
原本諗住租一架車一程運晒過去，但夾唔到身邊有車牌嘅朋友（痛恨自己冇考車牌😰）因為初期費用已經使咗唔少錢，丫仁真係唔捨得再係荷包攞錢出嚟，靠自己勞力用最節儉嘅方式努力💪🏼💪🏼💪🏼返工Lunch食兩個飯團搬少少，早收工又走多兩轉，瞬間變羅湖水貨佬🤦🏻♂️🤦🏻♂️最慘就係溶雪極凍，地下好似溜冰咁跣到PK💢💢時不時一個轉彎，成架手推車失控翻倒，黑晒面嘅我即場咆吼：「🔥Roar...........ar🔥」
第二個發脾氣位就係坐地鐵時，我拉住咁多嘢上車「一定會」俾人歧視。而我地香港人見慣上水一帶水貨客旁若無人嘅精湛演技，學番一兩嘢傍身😎唔係次次都見效，有次落車嘅時候個大叔阻住咗對門，我係咁講：「唔好意思x2046」佢都企定定門前唔郁，結果成車貨避唔開跌晒喺月台邊，小弟EQ突然驟降到絕對零度-273度，再次咆吼：「🔥Roar...........ar🔥」由於架車未閂門，眾人聽到都嚇咗嚇！！
ps：由此一役明白到狂躁真係會令人失去理智，用咗阿榮式出post嘅語氣😂😂😂唔講得少，就算平時丫仁識識埋埋幾多在日朋友都好，無啦啦係有一刻想同所有人斷絕來往😱真係要多啲關懷身邊患有抑鬱、狂躁、自閉同過度活躍症朋友‼️（我已經心情平復下嚟，走出左自己框住自己嘅困境🤡）
#仁仁搬屋有限公司
#新界牛的堅毅鬥志
#發揮草根精神
