［大師冇點你］See？開幕前tip，中途冇轉過軚。固然有幸運成份，但中就係中。況且，應該冇幾多人開賽前貼意大利。
1. 咁當然中咗就好似乜都啱，但我都唔會過份演繹。最初揀意大利，只係兩樣嘢：第一，近況真係超好，都唔好話冇用，你見德國2018年之前啲友賽都係一鑊泡。，當然有時只睇戰果唔足以判定。
2. 而仲有第二，更重要：因為冇乜人貼意大利。記住任何遊戲有唔同規則，背後人人有唔同agenda．理性上你問我，我原本覺得法國先係冠軍，但貼中法國冇人會話我勁。呢個當然係一個考慮。但你投資就真係唔使咁的，你做嘉湖專家林女士專家食屎，就一招買樓買樓再買樓，夠晒屈機，贏晒啲咩分析員。
3. 同時，當然仲有好大運氣成份。十二碼並唔係完全靠運，但要求嘅skill set，應該同你平時比賽嘅係相當唔同。個比喻好似你同我做份數學卷，同分嘅話出去隻揪咁。隻揪唔係靠運唔係冇技巧，但同你原本件事要求嘅係兩回事。
4. 所以當然唔會估到意大利玩到射十二碼，亦唔會話你知一早估到意大利射贏。雖然，留意意大利射先，同埋英格蘭主場。（＊）
5. 但話說回頭，應該冇人會講意大利唔值得捧盃吧，成個賽事都極有說服力，你問我決賽佢地係踢得較好一隊。唯獨係對比利時嗰場碌地沙拖延時間比較核突啲。
6. 當然啦，估波叻不等於投資都叻，亦係唔同嘅skill set．甚至我係咪「估波叻」都頗成疑問，雖然自問往績不錯，唔好忘記金融圈逢大賽公司都會玩。
7. 但，「估波叻」同「賭波叻」又係兩回事（最叻？就係唔賭）。「寫文叻」同「投資叻」又係兩回事了。雖然我相信，勁人係做好多嘢都勁的，你見啲醫生走去影相寫文做金融一樣勁，因為嗰啲本身就係勁人，只不過佢選擇做醫生啫。
8. 講到尾，係咁醒嘅，一早重注意大利啦！但我係買英格蘭的（應該冇乜人意外吧），嗚丫。
9. 做乜信意大利但買英格蘭？又另一課題。首先，邊個話你知賭波為咗賺錢？人人都知長賭必輸。另外，正如我唔信Bitcoin，但走去買咗十幾萬，冇矛盾，亦冇老舍。你覺得低智，係你唔明啫。
（＊）聞說射先有優勢，好多人都聽過，一個出名嘅研究，但最新好似畀人質疑，另文再講。另外，聽聞主場射十二碼反而不利，英格蘭96係（但唔係決賽），拜仁2012亦係，不過似乎sample太少，難以下定論。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
