Search
廣東話有句俚語叫「拍膊頭，死老豆」，大意是人家的肩頭不應亂碰，不過曼城前鋒Sergio Aguero沒有理會，還在比賽中搭上女邊線裁判‧‧‧的肩頭。Sergio Aguero在曼城對兵工廠比賽期間因為不滿裁判沒有判給他界外球，所以搭上站在附近的女裁判Massey Ellis的肩頭表示無奈，身為女性的Massey當然對此非常敏感，立即以本能反應甩開Aguero的手，這舉動後來被名宿Alan Shearer和Ian Wright在賽後評球節目批評，不過賽會最終認為該動作並非帶有侵略攻擊性，所以Aguero得以逃過被處分的命運。
https://www.youtube.com/watch?v=WexqqqPR9hc
<婚紗體驗分享文>
聽說女人都係有一個「死期」的，嗰個死迫自己三十歲前嫁得出嘅限期呀！可能因為荷爾蒙改變？周遭朋友開始組織小家庭？覺得自己一丁友格外孤獨？被請飲得太多，開始出現幻覺等等？你有冇曾幾何時覺得空虛覺得凍？想多個人陪吓你了解你氹吓你？
我有，不過老老豆豆…一個同自己夾得嚟嘅伴侶，真係唔易搵。我亦唔係冇睇過婚紗…冇幻想過自己著婚紗嘅樣…
而係…香港地好似拒絕胖胖的著婚紗，我曾經喺某某商場睇過婚紗，店員用佢對鐳射眼視姦完我…「摺」一聲，翻一翻白眼就走咗去…留低我一個喺度食塵…就係咁，我肥大肉厚脂肪下包住嘅弱小心靈受創了。之後就冇再幻想過自己著婚紗…
估唔到因為一個Facebook Page，我有幸成為一個有人識嘅豬形人或人形豬，一講肥就諗起我😂我居然都有婚紗店垂青！喺呢度真心想多謝Gertie俾個機會我試著婚紗😘其實喺上Vis-à-vis Bridal前，我有掙扎咗幾日不如甩底算。但係人一世物一世，未試過未著過，俾啲勇氣面對！
嗰日，天灰灰落住毛毛雨…我出咗港鐵站，行咗一小段路，搭個lift去到婚紗店門口…吞一吞口水，㩒鐘仔…一開門，由舖頭射出充足嘅白白光線下，有個人爆住光咁喺眼前…She is Gertie！入到去，見到好多婚紗呀！婚紗呀！婚紗呀！呀？我著火辣紅好，定寸咀綠好，還是嬌艷粉？定係純情白先最啱我？我想套套都笠哂上身呀！
「我哋照吓鏡先，睇吓你嘅身形係點，著邊款會可以靚呀～」，佢話。Oh No…真係唔駛睇都知，我係全身都…🙊
「你膊闊…所以要著啲可以平衡返嘅，唔可以著啲下身貼嘅婚紗…我哋嘅婚紗都係一手一腳自家設計，腰線位比較高，同埋我哋影相嗰個外藉model都係一六幾cm高，以香港女仔嘅高度身形都可以carry到，唔會話同model嘅效果相差太遠…Blablablablablablablablablablablabla」，其實佢講咗好多嘢，不過我對眼係已經周圍緊啲婚紗…😂(睇到呢度，佢應該好想扭我耳仔)
「我俾幾套你試～你感受吓呀」
Yes！不過我對於眼前嘅…太多選擇…唔知點入手好呀…
「我揀兩三套俾你試呀，俾你睇吓個分別」
佢揀咗一套粉紅，一套墨綠，一套純白婚紗俾我試…我望住套粉紅…心有一下沉了，因為我著衫從來都係黑灰，咁嬌俏嘅色真係未試過…著完之後咪真係一隻豬咁款？當我著完，加埋對四寸高跟鞋…照一照鏡…
小姐，你邊位呀？雖然我冇立即變瘦，肉肉的肩，麒麟臂仍然外露…但係我眼前見到嘅，係一個全新嘅自己，一個從未見過嘅自己。喂！佢話我可以行甜美可愛路線呀！再試埋墨綠色的，我立即扁咀:「我都係鍾意粉色…」
佢:「你都係襯粉色系列，咁你而家起碼知自己啱著啲乜啦」
最後一套！我最期待的純白婚紗來了！
🙈🙈🙈🙈媽，我望住鏡中嘅自己，真係感覺來了…件婚紗根本係為我而存在吧！我想著住走呀😭😭😭😭
喺呢度，我真係衷心感謝 Vis-à-vis Bridal 俾呢次機會我，為我抹去咗以前不愉快嘅回憶，發掘咗另一個我…你知道嗎？你是最好的！我相信 Vis-à-vis Bridal 位位同事都一樣咁nice！因為見到個個客人都好開心！
我仲諗住上嚟可以挖吓料等你爆吓啲婚紗店奇觀俾我聽，點知聽完你嘅奇觀…我淨係聽到你打從心底咁替客人感到開心，或者心痛婚紗俾人整爛整污糟咗…因為你嘅善良同真心想客人喺big day著得靚靚，令我都不自覺覺得你好親切好值得信賴嘅朋友，願意同你肉帛相見了😂
如果我真係有幸嫁得出，我一定返嚟搵你😀Thank you baby！
#嫁唔出都可以齋影相 #我好後悔嗰日太緊張冇影相 #手汗都出埋呀大佬 #不過首先要搵個人肯同我影 #一把年紀正好思春
詳盡全文即撳→ https://bit.ly/3Srwhiy 在電影《古惑仔》系列飾演「大佬B」的吳志雄，近年已經將重心轉移內地發展，除了拍戲登台唱歌之外， ... ... <看更多>
2012-08-15 達哥潮文今日行街有個靚女搭我膊頭叫：「喂，靚仔」. 潮文達 ... 2012-12-06 達哥潮文因為老豆用我電腦所以我同佢嘈交. 潮文達. ... <看更多>
搭膊頭死老豆 在 傑拉德足球- 廣東話有句俚語叫「拍膊頭，死老豆」 - Facebook 的必吃
廣東話有句俚語叫「拍膊頭，死老豆」，大意是人家的肩頭不應亂碰，不過曼城前鋒Sergio Aguero沒有理會，還在比賽中搭上女邊線裁判‧‧‧的肩頭。 ... <看更多>