《漸漸》
♂：早晨
♀：早晨
♂：今日你咁早？
♀：呢排比較得閒
♂：我好似仲未知你做乜，你有時好早有時又好夜
♀：你都無講你做乜
♂：我以為你知……
♀：你唔講我點會知
♂：但你知我全名
♀：所以你好出名？我要識你？
♂：唔係，但要搵唔難
♀：我知，所以我唔搵，既然你唔講我知又有乜意思呢？
♂：我想當面話你知
♀：好，我等你……
♂：你……係唔係有絕症？
♀：哈，做乜咁問
♂：你好似好急趕咁，好似時間無多咁
♀：放心，我無絕症，唔駛諗到咁誇張
♂：咁就好……我真係有驚過
♀：咁我有絕症既話，你會點？
♂：陪係你身邊直到你離開
♀：標準答案，但我唔需要可憐，如果你係可憐我既話，唔需要
♂：我只係想陪你
♀：你依家都陪緊，咁已經好好
♂：你好奇怪
♀：邊方面
♂：唔知，感覺
♀：係呢，我知道你好耐之前問我既IQ題答案係乜，係咪漸漸
♂：叻
♀：我早幾日聽，覺得好熟，在夜晚說早晨嘛
♂：我好喜歡呢首歌
♀：但歌詞……好慘
♂：呢個世界，有幾多個可以一生一世？
♀：之前我記得你認為一生一世先係愛情
♂：我重新諗過
♀：講黎聽下
♂：一生一世固然係珍貴，但只要係感情時間內真係愛既，都係一段好難得既愛情
♀：即係每一段戀愛都難得
♂：唔係，因為有好多愛情都唔係真正愛大家
♀：你都幾自大，你憑乜去界定愛唔愛
♂：因為現今既人分唔清愛同鍾意，鍾意一個人，係因為對方給予到自己需要既野，而愛一個人，係你想給予佢需要既野，簡單講，鍾意，係為自己；愛，係為對方
♀：嗯，我記得你話你鍾意我
♂：鍾意同愛，唔係黑同白，可以鍾意同愛同時發生
♀：咁你依家開始愛我？
♂：開始有少少
♀：我覺得好搞笑，我地其實都未算見過面，你就愛我，嘩，睇黎我真係好吸引，打字都可以令你愛我
♂：你的確係好吸引既，睇字都可以感覺到
♀：感覺到咩呢
♂：有種知性美
♀：知性美……係咪話我外在唔得
♂：唔係，我只係講你好有知性美
♀：比人讚得多，但知性美都係第一次聽，但幾啱聽
♂：【圖片】送比你
♀：嘩，點搞啊，溝死女啦你，整張咁既野
♂：鍾唔鍾意？
♀：【圖片】你覺得呢？
♂：我估到你會咁做
♀：我知你想我咁做
♂：今日好開心
♀：聽日都會好開心嫁哈姆太郎
♂：咁以後呢
♀：唔知，希望都會咁開心
♂：我會努力令你開心
♀：慘喇，你肯定愈來愈愛我，點搞啊大佬
♂：咁你呢
♀：鍾意
♂：好
♀：唔好咁既款，我可以話你知，令我鍾意既人都唔多
♂：知道喇，我覺得有日你會愛我
♀：睇下點，聽日再努力啦哈姆太郎
♂：晚安喇，我會努力
♀：好，晚安
♀：【收回】
♀：【收回】
♀：【收回】
♀：【收回】
——
長傾·不見 第一回 @筆友
https://bit.ly/LongchatEP1
長傾·不見 第十九回 @見面
https://bit.ly/LongchatEP20
搞笑iq題 在 搞笑哈哈2.0 | Facebook - Facebook 的必吃
燒腦超難IQ題，他們一共幾個人？ 點擊查看答案： https://www.facebook.com/fomichva.natashenka/posts/314670859903959. ... <看更多>