良心社企膳心小館最近響石硤尾開咗新分店，我當然要去懲罰下佢啦！最開心係終於買到佢嘅原味蛋捲($89)！個盒好靚呀😍😍😍一盒大概有21條，重點係真係好好食!嗰種鬆脆和新鮮再加上超香蛋香味，真係真正的手工蛋捲先至做到！😋👍嗰日巧遇老闆佢非常熱心去分享，而家點解咁難訂到蛋捲，因為出貨太少，製作蛋捲嘅工場唔可以開冷氣怕潮濕，夏天工場加埋室溫有成40幾度，太辛苦以致越來越少人去做，所以星期六日先至大機會買到。至於蛋香方面佢哋係用新鮮蛋，唔同出面可能會用蛋精所以我哋就食到咁香嘅蛋味，😍真心正，我一次狂食咗好多條，但係我要忍耐，我深明獨食係易肥的道理！所以我會留返和同事分享！😋
.
另外我仲見到佢有抹茶味蛋捲($100)，身爲抹茶控嘅我當然心動💗個罐都好靚呀係綠色好似紙幣咁樣，上面仲印咗721，831，101等嘅銀碼，相信大家對呢啲數字都零些有感觸。可惜食落去真係有啲失望，基本上無乜抹茶味😣鬆脆程度又比唔上原味蛋捲，唔係唔好食嘅，只怪原味太好食啦！有比較有傷害☹️
.
仲買咗佢哋嘅薩琪瑪$18/4個，聽老闆講又係用傳統嘅做法，係上一輩老人家會鍾意嘅口味，我立即食個原味，又係好重蛋香味！食落唔乾身，會好鬆軟同埋煙煙韌韌，不太甜都好正😍👍再試埋佢嘅黑糖味薩琪瑪，黑糖味較濃亦都較甜，我個人比較喜歡原味多啲，因為蛋香出啲啊😊
.
似乎兩款產品我都係鍾意佢嘅原味多啲，可能我個人比較傳統，鍾意一啲傳統老口味🤣
.
Btw除支持膳心小館響石硤尾新分店之外，佢牛頭角嘅舊舖開到11月就會因房協不續租嘅關係要停止營業啦(背後原因自己諗吓啦🙄)，所以大家無論係新舊鋪都多啲去支持佢哋，等佢哋可以有資金搵到更好嘅舖位去搬啦，而今次懲罰膳心小館石硤尾新開分店我有拍到片順便幫佢宣傳下，下一條片就出啦大家期待下啦😋
.
膳心小館 (牛頭角)
牛頭角彩霞道55號彩頤居地舖
.
膳心小館 (石硤尾)
石硤尾白田街13號石硤尾邨美葵樓地下G06號舖
