[612勇者老吳女兒 Frances 給大家的信 l 本土新聞授權轉載]
作為老吳的朋友，前日本報編輯已經跟老吳通過電話。但權衡過內容的敏感地方及涉及之私隱，決定不會作出任何報導。另外，有多位熱心網友提供的資料，本報已經轉交給老吳的家人。
以下的文章是老吳女兒授權的轉載，由本報加上標點及處理過一些手民之誤。
//連日來真係好感動 有住不同界別人士approach 我們。對爸爸的支持關心，真係can't find a right word to describe.
親人好友更加出心出力，幫我找出警方對我爸發射橡膠子彈一刻既影片，雖然至今仍然未能找到一段清晰的影片。
警方現時起訴非法集結，亦已拿了搜查令到過我家搜証，還想日後改控暴動罪，可見警方「決心」... 但係我們不會屈服，都不會灰心，因為我地都係 香•港•人。
老吳身體仍然虛弱，身上被警察打傷既瘀痕仍然未退，可幸已可行走，但精神狀態還未恢復。至於其他長期疾病，本就不是一日會好的。但不用擔心，老吳會支持落去。
現時他最關心的是受傷被捕的年青人，他們絕對是香港的未來。天下間沒有父母會容許別人槍指手無寸鐵的年青人，這點無容置疑。老吳表示 即使重來幾多次，我爸仍會出黎責罵'警你老母' 。 總有藍絲喜歡指責當天站出來的母親或我爸是做戲，有收受金錢，博出位。而這樣做，但用生命黎做籌碼的，我真係第一次見。佢地既初心 (既然林太喜歡講初心，我用番佢比較容易的詞彙吧） 都係痛心熱愛香港的年青人。
老吳表示二百萬人遊行他無法參與，但感受到香港係這兩個星期最動人既團結。無論6.9 / 6.12/ 6.16 年青人高度的參與。老吳希望我地要盡力保護他們，希望律師/ 記者/ 議員都可以幫忙。
有關連日來好多記者希望爸爸能夠出黎接受訪問 ，可能暫時都係未太適合，希望各位體諒。有關下列幾點可以重點一下。我跟爸爸立場都是一致。請大家必定要同心合力追究警方濫用武力，一定要address，因為呢個關乎全港市民既安全。以前會保護我們的，不見得以後如是。防暴警察的制服設計非常有問題，穿上簡直係可以胡作非為，即使係鏡頭之下，又如何能識別警員身份。所謂監警制度不過係空殼，而被捕後我和爸爸多次要求警員出示委任員，亦諸多推塘，令我們難以追究。因此呼籲必定要集合最大力量投訴警方，盧偉聰絕對無可能可以推塘下屬 totally bullshit。
至於撤銷暴動一詞，自然係理所當然。5個人既暴動，咁Sailormoon，Minions 都係暴動片啦！
另外一定要關注醫管局的系統，設有側門予以警察得到病人資料，絕對要追究到底。一人一信投訴吧！醫生本來係救人，點解要令市民連對住醫生都要戰戰競競...
究竟幾時開始屬於香港人的政府，會變成傷害我們，會令人失望，會港人心驚膽怯的地方呢 ? 過去發生的，已經無辦法改變，但團結係我地唯一的出路。香港人絕對可以扭轉局勢，各位 7.1 見。
~Frances 後記～
老吳係我爸爸，大家可以輕鬆開心慶祝父親節。 但我爸爸仲係要臥床休息，但佢得到咁多人支持 一定一定會撐落去，睇住林太落台。
P.S. 希望大家有影片要send 俾我。
#向烈士致敬 #我地無贏過 #睇夠d推波記者會 #咁叻做戲可以去cctvb #老吳開心之鋒歸隊 #fightforgreenman//
[網絡及網友提供圖片]
▋離地觀點橫行 香港要有《本土新聞》
▋訂閱方法
Paypal: http://goo.gl/jfXV26
或：東亞銀行戶口 015-254-68-00092-8 (Local Press Ltd)
