關於 懶叻書面語 ，我們在網路上蒐集到這些相關的討論、資訊與評價

今日 ＃903國民教育 既嘉賓搞既粵文小說期刊。多謝 ＃山城小豬伯 以及佢既團隊，讓呢件事，首先係903國民教育向大家公告。

我寫文，有時都想用廣東話。但每次諗返起要賣書果陣，要我重新再寫一次，我就覺得都係唔好啦，我咁懶，唔會想再做，所以最後都係用白話寫。無計啦。你既書係誠品有個位擺，香港人會覺得你好叻。反而你既書三中高鋪到周圍都係，香港人而家仲會藐你添。

廣東話行到幾耐，冇人知。但我只係知道，一本咁癲既期刊，如果只係一次賣500本，咁香港730萬人，都用鈔票話左畀大家知：sorry，香港人，唔需要廣東話印刷物。

呢個係一個實驗。唔係課金，係實實在在咁要呢個團隊，好好咁對待廣東話。我相信，豬伯唔會，亦都唔敢玩忽任何愛佢地既人。所以，輕輕一推，佢出版既時候，我會細緻咁睇一次，再話畀大家知，值唔值得課落去。

＃佢同我講只係想賣500本呢件事太可怕
＃香港730萬人
＃連一本廣東話小說印刷物都留唔住
＃香港冇左文化身份
＃仲叫香港咩？

【我哋為廣東話再行前咗一大步，大家可唔可以同我哋一齊行】

長話短說。我哋準備出一本全廣東話嘅文學期刊。
　
如果你睇咗上面二十隻字已經決定支持，多謝你。底下有預購 link。
仲係猶疑不決嘅話，睇落去。
　
～～～
　
香港係留唔住人才嘅地方。歌手、演員、作家，成名之後就唔再屬於香港。有個好鍾意嘅作家，喺網上出文，好多都用廣東話寫。幾年前嘅一日，佢出咗名，喺 Facebook 瘋傳。
之後佢嘅故仔就要出兩個版本，廣東話喺前，書面語喺後。
再過一排，佢冇再出兩個版本，所有嘢都得返書面語版。
點解？同樣用繁體字嘅台灣，人口係香港嘅三倍，睇書風氣好唔知幾多。用廣東話寫到識飛又點？結果都係要賣返去普通話、國語市場。
　
上次食飯，總編問我：「如果我哋出本文學期刊，淨係用廣東話嘅，你覺得有冇得做」
我答佢話，「香港有七百萬人，一人一蚊都掟得死你啦。」
　
最賣得嗰份報紙，營業額可以過億，應該有好多空間試新嘢。我唔係講大話。
如果真係有空間，點解以前冇人試？
　
件事型到爆炸，但係大家有心魔。
驚蝕錢，驚冇人睇，驚寫廣東話有好多人「睇唔明」。
　
於是香港嘅文學就十居其九都係純「書面語」，淨返一成，就加插幾句廣東俗語，就話係香港特色。
純廣東話嘅書寫——粵文，一直都係一笪無主之地。俗語話「瘦田冇人耕，耕開有人爭」，廣東話出版明明係「肥田」嚟，居然都會寸草不生。
實情只係未有人去播種。
　
若然我哋集合網上廣東話作家，一齊嘗試唔同文體，寫一堆上乘嘅小說散文出嚟，你話有冇可能改變成個 landscape 呢？有冇一日，喺香港教科書會見到呢堆高質嘅粵語文學作品呢？
香港開埠都只得幾丁友，一樣可以發展到今日嘅規模。
　
不如廣東話就等我哋嚟。
我哋做開荒牛，由我哋雙手去創造廣東話文學嘅輝煌盛世。
　
如果個市場覺得廣東話低等、冇價值，我哋會認命，然後賣樓貼錢做到廣東話贏為止。
之不過香港人個個都話熱愛廣東話，斷估唔會搞到我哋輸身家啩。
　
總之我哋準備開創歷史嘞。
可唔可以同我哋一齊行？
　
【網上預售】
http://kck.st/2MohkgP

#6更新版

「叮噹咚」︰
「其實我想問呢，唔知你肯唔肯原諒我……咁呢？」

我不想給他肯定答案，正思考著應該回覆，他又接著說︰
「因為我知我份人係好容易得罪女仔」
「叮噹咚」
「但做錯咗之後又唔知點先可以得到原諒」
「叮噹咚」
「咁難得我以前得罪過你，令你好憎我咁」
「叮噹咚」
「如果你可以話到畀我聽，點先表達到道歉嘅誠意，咁就太好啦」

「stop stop stop! Cant you put all things into one paragraph? Its very annoying」
「係？sor sor，我仲以為女仔講嘢中意咁樣一句句」
我連翻白眼，究竟哪裡來的錯誤觀念啊？

.

我不想糾纏，便用中文打下︰
「首先就如我之前所說，我討厭你並不是因為你弄壞過我的文具啊。其次，哪有人叫道歉對象教他道歉的辦法？那種程度的事就自己去想吧。最後，不要把你對其他女生的印象用在我身上，人與人是不一樣的。完。」

我以為被我這樣罵他應該會收歛，沒想到他竟在2秒之後回覆︰
「呃，你……用書面語嘅？」
「你看不懂？」
「唔係……只係好少人MSN打書面語咁，我見阿Bi都係打口語」
「我平常也打英文的啊。」

「我嘅意思係，我見到書面語覺得好親切……係讚美嚟，MSN用書面語嘅女仔好似叻啲咁……當然你本身都好叻啦。我相信你唔會亂咁嬲人，你憎我一定有個理由。你可唔可以話我知？等我努力補救下都好呀」
「事情都過了那麼久，說這些都沒意思啊。」

「但我唔想你一直嬲我……我希望你原諒我。」
為什麼這麼在意我原不原諒他啊？我愣在螢光幕前看著他的話，一時不懂反應。
只見MSN又彈出︰
「如果真係我錯嘅話，我希望可以做多啲嘢去補救」

.

我深深吸一口氣︰
「不是你的錯難道是我的錯？明明當時對女生做了那種事，讓人受了那麼大的屈辱！」
「呃……莫非我……非禮你？」
「你揭起了我的校裙，跟那些男生一起笑我的內褲啊混蛋！」

MSN對面靜了5秒，然後︰
「等」
「等等等陣！」
「唔係我！」
「我記起件事喇，但真係唔係我做架！」
「雖然我都有份望你走光，但係……呃……你信我，件事真係唔係咁！」

他一急起來，又一句一句連發，令我的電腦響了十幾次。
我把喇叭關掉，一口氣喝掉半杯冷水︰
「好，那你好好解釋是什麼事啊。還有，不要一句句發，打好之後才一整段發過來啊！」

邊喝水邊等，MSN終於收到訊息︰
「你都知當年補習班好多人暗戀你啦，阿強就係最明顯嗰個，我哋班男仔咪笑佢囉
佢死口唔認，我哋梗係唔信啦，咪叫佢證明囉
跟住佢就唔知做乜突然走去揭你條裙整喊你……」

噗的一聲，我嘴裡的水都噴到顯示器上。
這什麼？很多人暗戀我？他在作弄我嗎？
我腦中一片混亂，又手忙腳亂地拿抹布擦乾，再次坐下時只見阿翔又發來幾句︰
「可能我企正旁邊所以你以為係我，但真係唔係我呀！我認真架，如果係我我一定會認衰」
「對唔住呀，你知啲小學雞坐埋一齊就傻傻哋架啦……」
「嗰時你走咗去，之後再冇返嚟上堂，班男仔幾失落呀。我哋受到教訓架啦，sorry」

慌亂過度，我的心臟跳個不停。
他在說什麼啊？他說這些話是什麼意思？為什麼要這樣說？
正想著，他的message又彈出來︰
「喂喂？收唔收到？」

「我要溫書了，現在沒空跟你說，再見。」
我匆匆發出這句話然後連忙登出，回過神來才發現自己臉上燙得厲害。

.

自從阿翔說學能補習班的事情起因於有人暗戀我，我就一直無法放下這件事。
理性不斷告訴我，那些事都過去那麼多年了，那些人都沒聯絡了，還想它有什麼用？
但每次聽到Abby提起阿翔的名字，我就無法控制自己的想法。
他說的暗戀者，究竟包括誰？

Abby似乎發現了我的異樣，連連問我發生什麼事。
我隨口答上次去過補習天后班，覺得她教得不錯想一起報讀，但又覺得太貴；結果Abby竟然主動找阿翔和阿堅幫忙，把四人同行一人半價優惠讓給我。
她做到這地步，我感動又愧疚，馬上拿出打工儲下來的錢去報名。

.

再次跟Abby踏足補習社那天，阿堅和阿翔極其自然地坐在我們旁邊。
阿翔大方地揮手打招呼，我不期然想起暗戀的話題，下意識別開臉。

阿堅走過來︰
「上次你MSN搵我，係咪就係想問我補習班嘅事？其實唔使客氣喎，幫得到我一定幫。」
「係呀，阿Mi～阿堅真係好好人架～」Abby不知為何急著幫嘴。
我不能說自己當時想打聽阿翔的事，只能尷尬地笑笑帶過這話題。

A-Level Use of English分5份卷︰Listening，Writing，Reading，Oral和Practical Skill。補習天后的課堂一星期有四節，不用補習時我們還會約出來練Oral，我跟他們三人近乎每天都見面，不是在補習社，就是在麥當當。

阿堅本身就相當勤力，聽說會考時還考了4A1B1C，有他在溫書氣氛相當不錯。
阿翔看上去就生意失敗，我還以為他應該很懶散，沒想到他做的past paper比我們還多。聽說他還想去美國留學，真是人不可以貌相。
Abby有時會抱怨我們太認真溫書，說應該去玩放鬆一下，但我們三人都不理她，她只能扁著嘴繼續溫書。

.

自從開始一起補習，阿翔就常常借故向我搭話，更不時在MSN問我原諒了他多少%。
我覺得他實在有點煩，更麻煩的是Abby看在眼裡，似乎不太高興。
為此我在見面時儘量對阿翔冷淡，但他又以為我生氣，反而更加落力。
我有點擔心Abby不知會怎樣想。

踏入十月初，某天練完Oral後，Abby突然用心心眼看著我們︰
「星期六呢，係我生日呀～我呢～想邀請大家嚟我屋企玩啫～」
我一口答應，阿堅也微笑說好，只有阿翔問︰
「你屋企有乜嘢玩架？」

Abby托住臉頰想了想︰
「而家天氣仲咁熱，我哋可以去沙灘玩下水嘛～放心啦！我爹地媽咪去咗台灣睇新舖，嗰日佢哋唔喺屋企，我哋玩乜都得架～你哋嚟陪下我啦～」
兩男交換了一個眼神，阿堅微笑說好，阿翔則無所謂地點頭。
Abby開心得跳起︰
「好嘢～咁我要準備下先得～」
我有點不安的預感。

----
✏陪朋友去補習社追男神，點知我中意咗男神
又曦

*中意睇嘅朋友請幫share 🙏 🙏25 Share出下一集～
此故事1-5經過更改，由下一集開始就會跟返呢條故事線🙇🙇
好多謝大家陪我經歷咗兩個平行世界😂😂

#陪朋友去補習社追男神
上一集︰http://bit.ly/2xD80PM
下一集︰http://bit.ly/2yVQPat
全集︰http://bit.ly/2wYPIZv

#自修室 #自修室系列
✏陪朋友去自修室追女神︰http://bit.ly/2kyjbRt