為媽終於由9527👩🏻🌾升做高級伴讀書僮👩🏻🏫
由於為媽同一般FTM一般身兼數數數數職
保母啦👩👧👦 功課輔導員啦 👩🏻🏫鐘點啦 👩🏻🏭衛生邦啦 廚師啦 👩🏻🍳營養師啦 👩🏻🌾畫畫導師啦 👩🏻🎨情緒輔導員啦 👩🏻⚕️玩玩具指導員 👩🏻🎤Stylist 💇🏻等等等等等
仲要係費用全免 24小時on call 攰到無朋友
為爸怕我會有一日劈炮唔撈 先下手為強
請左個姐姐幫輕下 減輕下唔洗做咁多清潔的下欄野
Yeah 我終於由下人升左級做高級伴讀書僮
（人工一樣係零😓）
其實中間都經歷左大半年架掙扎期
為爸係好唔鐘意屋企多個人
但佢更加忍受唔到屋企好亂
兩個小朋友 兩堆不同玩具 書籍 顏色
衫褲鞋襪全部打孖上 .......
為媽又係自來奔放的人馬座性格
所以執極屋永遠都達唔到為爸的標準📈
所以好多時佢都睇唔過眼頂唔住頸
落手落腳執 洗廚房 抹地 他都會動手做
當然我就會有聲氣聽啦！ 😒
但我就一對手 B又有兩位 破壞力又驚人
就算葉問上身一打10都搞唔掂🙈
真係做家務同煮飯都無左好多時陪為B
成日都要佢等一陣或自己玩住先
講完自己又內疚 希望快D做完果D做極都唔會完架家務
所以為爸都開聲：不如請個姐姐幫手啦 ！
為B問返我：請姐姐做乜 ?
我：請姐姐睇住你我去返工囉!
為B好緊張：唔好呀 我要媽媽照顧我 !!
我：請姐姐又可以多個人同你玩,媽媽就可以去返工啦!!
為B已經想喊:不如我返工，你留响屋企啦媽媽，唔好請姐姐啦!!!!!!!!!!
我感動到又攬住為B喊 😭😭
(為爸睇到則目,在上演八點檔嘛？請個姐姐啫唔洗咁激動呀！😰)
經過以上一幕,我地都好擔心為B會唔鍾意姐姐
點知我地擔心係多餘的
姐姐一到 我地一齊岀去食飯 為B已經拖實姐姐
囡呀！囡呀 ！你會唔會太善忘呀！😓
我就最疏肝 好開心多左時間陪住兩位小主 👶🏻👧🏻
多左時間做自己野 多左時間同老公相處❤️
#有無人唔知咩係9527
#慶幸姐姐不是阿夢
#除咗唔識煮嘢食
#暫時全程自動波
#結束三年零八個月一打二生涯
#一拖三去買餸
