按連結睇片。
黃志祥如何尋開心
信和置業（083）股東會，主席黃志祥答問環節多次講到，深圳GDP超越香港是必然的事，叫香港人唔駛驚，唔駛怕，要開心。其中有句較為深刻，「如果馬化騰喺你鄰居，不知幾開心。」
免誤解黃志祥意思，原片附上。
00:45分
「如果今日馬化騰，(果個騰訊老闆叫咩名，問旁邊高層)」馬化騰、馬化騰，如果馬化騰變左你鄰居，住你隔籬，你幾開心啊。如果馬員(雲)係你鄰居，你開心到極啊。我哋隔籬係深圳，香港要好驕傲。」
03:05分
「如果你隔籬住李嘉誠，你要開心，唉啊，李嘉誠我要同佢學嘢」。
請問黃生，究竟要尋開心，係住係馬化騰定李嘉誠隔籬呢?
點解黃志祥要用馬化騰作比喻，因為馬生就住係佢隔籬。馬化騰住係大浪灣道13號，黃志祥就住係大浪灣道16號。同一條大浪灣道，相信黃志祥撞到馬化騰次數，多過大部份港人。而李嘉誠次子李澤楷就住係大浪灣道12號。
黃志祥又好，其他離地一族又好，都喜歡以自身處境來「代表」了整個社會，你哋住係大浪灣道，就代表全港市民都一樣嗎?覺得馬化騰住係你隔籬，就要開心到好似掘到金?深圳超越香港，大家就不要埋怨，要坦言接受、一齊融合嗎。
黃志祥最後講到，而家係香港最黃金嘅時代！這句比粗口更不堪的說話，其實就是現今財金政界最高層的意識形態。
香港的黃金時代，是「在時代門外再聚」，不是「在大浪灣道與馬化騰相聚」。
