台文版：
我懷疑，若是毋識有角頭音樂个出現，是毋是台灣流行歌曲著會發展甲無相仝？當我一擺閣一擺聽著伊們上大先發行个《000專輯-ㄞ國歌曲》其中自董事長樂團到四分衛，五月天，蕭煌奇，王俊傑，夾子電動大樂隊，彼當陣遮个少年家這馬攏是目前台灣音樂界个大柱，講著
這種个好眼光，著算講股票顧問公司，嘛攏無一定有遮爾精準。 目睭一暱到這陣，角頭音樂編號已經將近七十號，推出這麼濟張專輯个期間，除了提奬以外，重要个是們怹對台灣文化个影響力，包括我本人在內，嘛是如此，會記得2001年，一張恆春兮工商服務專輯，改變我對台語廣播電台个印象，逐晚放這塊CD，笑甲目屎那流那睏，甚至共背起來，總算我毋免聽北京語 个相聲，這擺是透過恆春兮來欣賞，學習自己母語个趣味。我上合意聽著阿雄素食牛肉麵，採用全天然食素之牛製造而成，也愛聽新聞報導講＂依達幾無魯控＂這個國家發生大地動，然後送燒酒螺予災民个愛心，聽到張四十三伊小弟叫張＂嘸愛食飯＂，賓拉登小弟叫賓拉骨（肋骨），到底為什麼怹會使遮爾心適？有法度推出這款創新个專輯，過去無人做過，也是角頭音樂頭先推出。
感謝角頭！感謝先輩恆春兮！ 當年拍開了我對台語廣播个無限想像，嘛直接影響著今仔日佇台語廣播服務个我。 猶會記頭起先入電台彼幾年，我製作將近一百个KUSO台語廣播劇，那親像台語版本个日本báng-gà－搞笑日合，逐擺寫本，我嘛向望家己也會使帶予聽眾朋友共當年恆春兮工商服務帶予我个快樂仝款。
二十年過去，角頭音樂營運个過程其實並無咱所想个遐爾仔順利，甚至有想欲賣公司來求生？最近角頭音樂个紀錄片《我無時行二十年》將佇全台各地放送，雖然片名號做”我無時行”20年，事實上，這20年來，角頭音樂毋但深深影響著台灣流行音樂个變化，更加影響著台灣本土文化个自由發展。所以，咱㒰齊來參與募資个活動！佇台灣寶貴个自由創作價值之下咱絕對袂當予角頭消失。
角頭二十城市頭映計畫《我無時行20年》
「嘖嘖」平台募資： https://zecz.ec/39jKVBo
#阮某講伊古早做廣播社社長个時上愛放送恆春兮
#逐遍放送恆春兮工商服務著去予教官駡甲臭頭
#咱攏是恆春兮迷
TCM, taiwan colors music 角頭音樂
